動漫Maggie （李曼筠）與E Cup Baby （劉欣宜）以童話造型出席活動，E Cup Baby 分別換上兩套服飾，露上又露下，搶晒著宮廷服的李曼筠風頭。
ECup Baby 與李曼筠昨日出席MegaBox PlayStation 樂園開幕，兩人一身童話造型亮相，E Cup Baby 更大騷性感換兩條裙子，一套大開中門露深乳溝，另一套則迷你超短裙，坐下時更露底，不過，她說健康的性感則可以接受。被問到贏晒李曼筠，她謙虛地說：「我今次可以話係主人家身份，因為一直有幫個牌子做嘢，而Maggie 係嘉賓。」至於是否可完全性感，她說：「睇吓係出席咩活動，做嘅嘢合理就無問題。」
Maggie 嫌拍拖費時
近期不少大胸少女出現，會否被搶去不少工作？E Cup Baby 說：「大家行嘅路線唔同，我就行可愛、性感，好似周秀娜就行成熟啲，我孩子氣啲，不過我都想有啲成熟嘅工作。」另外，她又表示希望有機會拍戲，要以鄧麗欣作目標，但鄧麗欣曾多次被批評演技差，她即改口說：「咁，大家努力啲。」
此外，李曼筠表示不介意被E Cup Baby 搶風頭，她說：「我從來都唔同人比較，做嘢清清楚楚，而且我好鍾意呢套宮廷服裝，因為無乜機會可以著到。」她早前被拍到與PS3高層James 撐
腳，昨日兩人同場合照毫不避忌，而李曼筠稱不想拍拖，她說：「唔想，我覺得拍拖好浪費時間，做朋友就可以，點解要拍拖，我有時間都寧願留喺屋企休息。」
文：名人組
自言是主人家身份的E Cup Baby 與PS3高層親密地玩遊戲機。
