上個禮拜三（5日）FBI 睇《畢打自己人》諗住搵浮誇欣宜陪開飯，點知全集由一條蛋散帶到尾，佢飾演嘅算死草sales Marco 除咗呃平樓住，又連兩毫子婆
數都計，夠抵死噴飯但條蛋散就「唧」都唔笑鬼咁冷面。
可能大家都覺得呢條蛋散熟口熟面，叻極都係認得佢係早排《同事三分親》入面個Marco ，今次《畢打》擺明畀位佢上，FBI 同大家介紹Marco 原名叫趙永洪（Raymond ），同林峯都係第13期藝訓班。「冷面Marco 」原來係向黃子華偷師：「我覺得做縮骨友做得最好一定係黃子華，我就狂煲《男親女愛》學佢嘅眼神同小動作，估唔到出到嚟效果咁好，嚟緊第19集同23集都係主要講我㗎！」黃子華拍劇一集收8千，「A 貨子華」趙永洪就一個月
8千爛做，TVB 金融海嘯冇有怕。
又學得幾似喎！設計對白《蘋果日報》圖片
原本係金牌地產sales 嘅Marco 孤寒到冇朋友，連$7.2嘅杯麵錢都要同同事計。佢之所以咁計較，原來因為要供細佬讀書，後來發現細佬有病得番兩年命，諗住畀最好嘅生活等佢享受最後嘅人生，點知細佬有得醫，Marco 要不斷搵錢醫細佬。個角色咁討好，TVB 擺明想做佢啦！
人氣blog
同林峯、楊怡一樣係99年藝訓班出身嘅趙永洪（左），成日會放相上自家blog ，吸引到超過十萬人次瀏覽，真係好有人氣！
網友大讚
網友激讚趙永洪做Marco 做得好好，仲話睇《畢打》都係為咗睇佢。咁多人撐，好過響台慶嗱獎啦！
