落車時，呂麗君又拖住喺咗寫上「KEEP YOUR COOL COOL 」（保持你的冷靜）連身裙嘅乖女盈盈去睇音樂劇，想邊個冷靜嘅先？
因為呂麗君一份「冇腦」聲明，質疑大劉（劉鑾雄）愛將甘比（陳凱韻）個BB 女老豆身份後，全香港市民就日日同FBI 一齊，硬食大劉、呂麗君同甘比嘅動向，幾時行街幾時食飯都變成香港人嘅事。
呂麗君上週六同愛女盈盈就係坐住呢部車牌為「COOL 」字嘅七人車去睇音樂劇。
執包袱
本月4日，呂麗君喺住件寫上「PREP IT UP 」（準備就緒）嘅Juicy Couture T 恤離開白建時道大宅，佢究竟想準備咩呢？執包袱？《壹週刊》圖片
承大劉貴言，女人有錢就身痕，FBI 見呂麗君雖然封晒口冇回應佢預備「走佬」傳聞，但就日日掛住勝利笑容出巡。眉精眼企嘅FBI 留意到呂小姐其實預告晒「劇情」喇，好似上週二（4日）佢喺住嗰件紅色Juicy Couture tee ，tee 上面寫住「PREP IT UP 」，照字面解就係「準備就緒」。過幾日佢又拖住同大劉所生嘅乖女盈盈去睇音樂劇灰姑娘，盈盈喺住心口寫住「KEEP YOUR COOL COOL 」（保持你的冷靜）連身裙。一時就話自己「準備就緒」，一時就叫「對方」要「保持冷靜」。咪話佢冇腦喇！
