Stephy 方力申8折接Job
金融海嘯席捲全球，香港娛樂界也不能獨善其身，不少電影公司開戲變得更審慎，部份演員如舒淇、何超儀及楊千嬅均公開表示願減片酬共度時艱。而金牌、紅館及英皇娛樂三大經理人公司同樣受影響，舒淇和千嬅所屬的紅館負責人管小姐昨日說：「上年呢個時候好多銀行、保險公司同珠寶店會打電話嚟叫啲歌星做周年晚宴，但今年電話都冇個，成個市真係好差，整體跌咗兩成生意。」
廣告商要求減價
方力申指今年經濟很差，聖誕賺外快的機會也減少了。
至於方力申和鄧麗欣（Stephy ）所屬的金牌，發言人陳小姐雖指旗下藝人工作量沒減少，但承認價錢方面要給優惠價，她說：「生意唔好，我哋都要體諒啲客，所以一般廣告客戶要求減價，我哋會調低兩成，呢個已經係底線。」英皇發言人霍汶希昨日則回應說：「有部份聖誕活動結合埋倒數一齊做，亦都有啲公司要求容祖兒同阿Sa （蔡卓妍）減價，但我哋仲傾緊。」那鍾欣桐（阿嬌）會復工嗎？她說：「其實有商場邀請Twins 聖誕亮燈，但阿嬌最快明年先復出。」至於模特兒界，以熊黛林（Lynn ）為例則似乎影響不大，其經理人Kim 昨日說：「Lynn 喺11月同12月黃金檔期要為《葉問》做宣傳，喺呢啲檔期接job 要視乎宣傳進度，雖然金融海嘯，不過Lynn 喺內地嘅工作反而多咗，香港嘅佢都hold 咗唔少期。」採訪：比華利、葉雪攝影：胡比、仇志德
Stephy 受金融海嘯影響，現在接騷要8折收費。
