花旦揀首飾迎台慶楊怡真空宣戰
無線本月15日和19日將舉行《萬千星輝頒獎典禮》及慶祝台慶夜，昨日幾位花旦紛紛四出試衫試首飾，為頒獎禮及台慶夜作最後衝刺，其中有份角逐飛躍進步女藝員獎的楊怡，表示不抗拒真空上陣，實行去到盡。
楊怡、陳法拉、郭羨妮及王君馨昨日分別到珠寶店及時裝店試首飾試衫。楊怡昨日到尖沙嘴英皇鐘錶珠寶試戴過百萬元首飾，她說：「而家都未揀定，我想揀咗件衫，先決定邊套首飾，都想以elegant （高貴）為主。」
堅決不讓獎
郭羨妮穿上低胸吊帶裙襯以二千多萬的名貴首飾，份外明艷照人。
陳敏之打算真空上陣博嗱獎，楊怡聽到很愕然，她說：「吓？佢真係咁講，唔信，一定唔會，一場姊妹佢唔講聲畀我聽。」不過，楊怡並不抗拒真空上陣，她說：「要睇件衫個cutting ，真係要我真空都冇問題，大家都唔會注意呢啲嘢。」講到獎項，楊怡誓不低頭說：「我同胡定欣都係朋友，不過我之前講過唔會讓，要公平競爭，我喺頒獎禮前夕再講一次，我係唔會讓，雖然我心目中有人選，係琴姐，但係佢唔好讓畀我，我都唔會讓畀佢，我仲想再嗱埋『女飛躍』（指飛躍進步女藝員），『男主角』就有人嗱兩次，我都想試吓創造呢個奇跡，嗱兩次『女飛躍』。」另一邊廂的郭羨妮昨日身穿黑色低胸裙到中環試戴一套總值逾2千萬元、合共131卡的鑽飾。郭羨妮表示其母一早買了很多嫁妝給她，她希望可以盡快拿到嫁妝。郭羨妮透露18歲時有男仔送珍珠戒指向她示愛，被她拒絕了。
陳法拉戴上二百多萬的名貴鑽飾，她對著鏡子也忍不住望多兩眼。
李詩韻為台慶頒獎夜特別前往試衫，希望悉心打扮下能夠獲獎而回。
法拉怕失鑽
陳法拉昨日於中環周大福為台慶試戴2百多萬元鑽飾，她自言已挑選多套鑽飾和服飾於當晚佩戴，問到有沒有男士送過名貴首飾給她時，她說：「咁又冇！自己買嘅話成就感多啲，男仔送都唔知有乜嘢居心，不過我好少買鑽飾耳環，因為自己向來都好大頭蝦，仲試過唔見咗媽咪喺我18歲送嘅鑽石戒指。」李詩韻獲時裝設計師Cecila Yau 贊助性感晚裝，日前她到店中試戰衣，她獲提名飛躍進步女藝員獎，至於假想敵，李詩韻表示睇好楊怡：「佢喺《溏心風暴之家好月圓》真係演得好出色，其實佢都嗱過呢個獎，再嗱都戥佢開心。」採訪：楊潔雯、李珮洳、王崇穎攝影：陳俊強、黃偉雄、黃文偉
楊怡希望揀選珠寶店最貴的首飾，在無線台慶頒獎禮上突圍而出。
