無懼入市即跌Angelababy 豪擲50萬炒股
有危便有機，嚫界女模Angelababy 上月乘跌市入貨，投資股票，雖然曾大跌，又連升幾天，Angelababy 對坐過山車，本著大無畏精神。昨日Angelababy 揚言已準備50萬以下資本分批入市，一於勇字當頭，繼續買。
嚫界女模Angelababy 昨日先一身紅裙，在中環出席La Maison du Chocolat 朱古力活動，同場跟四個小朋友一起砌朱古力。晚上她就穿上黑裙，亮麗地出席Chanel 在灣仔舉行的新香水酒會。
近日股市連升幾日，Angelababy 揚言準備50萬資本，等待入市掃貨。
Angelababy 自爆曾炮製朱古力失敗，昨日她只是旁觀，不敢落手整。
揚言再跌再入貨
Angelababy 昨日跟四個小朋友，一同分享朱古力。
早前Angelababy 處女下海投資股市，以22元買入中國人壽（2628），一入市便大跌，昨日市況上升，中人壽已差不多重返她的入貨價，收市報21.65元，Angelababy 繼續勇字當頭，她說：「我擺喺度先，唔會賣住，如果再跌低啲，我會再入貨，我而家留咗一筆錢，大約50萬以下諗住用嚟投資，我唔係好識，其實都係靠估，諗住少少哋，少少哋咁買，分幾次買，買咗擺喺度等升值。」
開心奧巴馬當選
Angelababy 指自己是穩重派，主要跟朋友的父母意見入貨，男友陳偉霆（William ）也有跟她買股票，她說：「買啲唔會跌到冇晒嘅股票咋，佢都有跟我買，不過仲買得少過我。」此外，Angelababy 對奧巴馬當選美國新任總統，大表支持，她說：「恭喜佢，佢係第一個黑人美國總統，呢點已經係一個突破，希望佢上任後，快啲搞好經濟，令到全民受益。」採訪：Law Wai Man攝影：Law Wai Man 、Matthew Lam
Angelababy 昨晚以型格青春打扮，亮相Chanel 香水活動。
