做開動漫聲優嘅平野綾，最近仲踩過界做水喺女吸fans ，雖然31B 上圍冇乜料到，難得肯搏肯露。日本年年都有嫩口新女爭上位，競爭咁大，除咗賣肉都要有一技之長先發到圍。
今年21歲嘅平野綾就係靠把聲上位。有「聲優女王」（即配音女王）之稱的她，扮嗲妹、細路、男聲、動物瓣瓣掂，代表作係聲演卡通版《死亡筆記》女主角彌海砂，仲踩過界唱埋動漫迷至愛動畫《涼宮春日的憂鬱》插曲，最新的水喺寫真《Aya File.1》大賣8萬本，銷量勁過日劇天后長澤正美本《No Meaning 》成倍。
鋪鋪配正人氣角色，加上係變聲嗲妹，㗎仔電車男當正佢係精神食糧，就連香港宅男都流晒口水，於香港雅虎網站竟出現800萬人次搜尋佢嘅靚相。如果聽埋綾妹一句「Yamete 」，問你死未？
唔好話香港，就算喺日本，撈配音撈到出寫真又做歌手，平野綾都算係第一個。能夠成為萬人迷，平野綾聲靚兼樣夠kawaii 當然係賣點，但最重要係佢識揀岩目標，專攻電車男市場。食住上主攻動漫及電玩配音的平野綾，上年因為以嗲聲聲演動畫版《死亡筆記》女主角彌海砂，嗱咗日本動漫節嘅「最佳聲優大獎」而上位，難得爆響朵，綾妹於是食住上，出水喺寫真賣肉不特止，仲玩埋cutie cosplay 嚟迎合電車男口味，難怪新寫真《Aya File.1》一出即打低長澤正美本《No Meaning 》成寫真銷量榜no.1，連帶佢最近推出嘅處女大碟《Riot Girl 》都打入Oricon 暢銷大碟榜10大。3招
宅男1.濕身賣肉
喺日本做聲優，多賣聲唔賣肉，但平野綾未出寫真前，已幫成人雜誌《Flash 》影性感相，仲玩埋濕身誘惑，唔引到班㗎仔流口水就奇。
2.做小妖精
上年動畫版《死亡筆記》DVD 發行，綾妹玩cosplay ，以一身小妖精打扮出席記招，擺明係投其所好引電車男幫襯。
3.扮李小龍
自稱鍾意睇漫畫同打機嘅綾妹，不時將扮偶像李小龍嘅相上載自己blog 上任睇，本身係「電車女」嘅佢，當然摸清電車男心理，難怪開blog 3年已吸引超過1千萬人瀏覽。捱足8年11歲
11歲入行做童星，多演出兒童節目嘅綾妹，當時冇乜人識。
15歲
轉行做聲優嘅綾妹話：「初入行時每晚煲足5粒鐘動畫DVD ，目的為學其他師姐嘅配音技巧，搞到日日唔夠訓。」但上年嗱咗「聲后」，辛苦嘅都值得。
19歲
上咗位仲撈多瓣，前年唱動畫《涼宮春日的憂鬱》插曲〈God Knows 〉大hit ，最近仲開埋演唱會，吸引超過3千名fans 排隊捧場，總算實現到佢嘅歌星夢啦！轉軚掂今日紅到爆，但其實平野綾亦曾經霉過。原來細細個已發明星夢嘅綾妹，11歲已被阿媽帶佢招考童星，可惜入行4年都撈唔起，直至15歲嗰年先轉行做聲優。綾妹曾於訪問中自爆：「我志願係做歌星，但深知日本好多漫畫及電玩迷，要上位必要應市場需要，所以我轉行做動畫聲優，等我成名後再完成我嘅歌星夢都唔遲。」識轉軚求生，又識把握機會食住上，真係抵佢紅啦！
烏龍水喺左起：原裝版、網友修正版
出寫真仲出埋月曆，但綾妹喺泳衣影相仍然論論盡盡，綾妹影09年月曆時就將綁喺背脊嘅比堅尼帶綁咗上頸，搞到班網友笑佢係烏龍王，仲用電腦幫佢執番正。出過三本水喺寫真都咁生手，認真抵打喎！
港男
唔只㗎仔，連港男睇過佢嘅寫真，都上網大讚佢聲靚兼可愛。
