最近網上流傳一條《中環有鬼》短片，片中有疑似女鬼夜麻麻響中環Prada 門口飄過，睇到人心都寒埋。
不過睇埋剛於上週四（上月30日）上載的《中環有鬼下集》就發現原來條片只係環保組織「地球之友」玩嘢之作，明寸Prada 凌晨12點都著晒燈浪費資源，佢哋仲話今次擺明針對名牌，下個目標已經瞄準LV ，睇怕名店幾頭痕！
Prada 同好多名店一樣鍾意搵名模行吓catwalk 做吓嘉賓，黎明嫂樂基兒都係常客，好彩Prada 今次肯合作屈服，如果唔係「地球之友」話明會搵人去Prada 門口舉牌抗議，到時真係搵幾多天王嫂去宣傳都冇咁好noise 喇！
女鬼真身
《中環有鬼》短片在晚上十一點拍，拍了4粒鐘完工。片中女鬼係兼職model ，不過夜麻麻響中環著到咁，唔覺意睇到都俾佢嚇死！
![[搞笑]中環有鬼 地球之友明隊Prada圖片1](http://hk.face.nextmedia.com/images/next-photos/face/076/640pixfolder/W876-108N/020.jpg)
據「地球之友」環境事務經理朱漢強表示，女鬼model 原來一啲都唔輕鬆：「個model 係廣告公司搵嘅，佢要戴住個假髮倒後行10幾次，拍嗰晚仲好鬼熱，不過佢係邊個就唔想講啦，因為位model 同廣告公司都係義務幫我哋，佢哋未必想開名！」
短片模擬閉路電視片段，一開始見到女鬼飄過Prada ，效果幾逼真，好在「下集」最後出咗句：「咁夜仲咁光，邊鬼個睇？」先知係宣傳片，不過最初嚇到好多網友死死吓！
![[搞笑]中環有鬼 地球之友明隊Prada圖片2](http://hk.face.nextmedia.com/images/next-photos/face/076/640pixfolder/W876-108N/3.jpg)
![[搞笑]中環有鬼 地球之友明隊Prada圖片3](http://hk.face.nextmedia.com/images/next-photos/face/076/640pixfolder/W876-108N/4.jpg)
有網友話隻「女鬼」執念好深，仲有人幫佢唸經，真係以為有嘢㗎！
![[搞笑]中環有鬼 地球之友明隊Prada圖片4](http://hk.face.nextmedia.com/images/next-photos/face/076/640pixfolder/W876-108N/7.jpg)
![[搞笑]中環有鬼 地球之友明隊Prada圖片5](http://hk.face.nextmedia.com/images/next-photos/face/076/640pixfolder/W876-108N/9.jpg)
'04
![[搞笑]中環有鬼 地球之友明隊Prada圖片6](http://hk.face.nextmedia.com/new_hkfont/16px/black/chaun.gif)
爆
04年Prada 中環歷山大廈旗艦店開幕時燈火通明，過百傳媒圍住贏晒氣勢。
![[搞笑]中環有鬼 地球之友明隊Prada圖片7](http://hk.face.nextmedia.com/images/next-photos/face/076/640pixfolder/W876-108N/3960245.jpg)
準時熄燈
Prada 屈服於每晚零時前熄燈，至於下個目標之一嘅LV 公關就話：「我哋不嬲都注重環保，不過我哋暫時未收到『地球之友』要求喎！」
![[搞笑]中環有鬼 地球之友明隊Prada圖片8](http://hk.face.nextmedia.com/images/next-photos/face/076/640pixfolder/W876-108N/016.jpg)
專插名牌
《中環有鬼》短片放上網短短兩個星期，已經有超過2萬人撞過鬼，朱漢強仲話下個目標係LV ：「佢哋成日強調環保，但係LV 響中環置地間shop 就閂咗門都開晒燈，所以我哋已經聯絡咗LV ，如果佢哋唔肯熄燈，我哋就會有進一步行動，其實我哋專搵大牌子入手，只因我搞隔籬間炳記，你都唔會留意啦！」家陣海嘯殺到，名店熄燈咪當慳吓錢囉！
