一年一度嘅蘭桂坊嘉年華，可能你之前都玩過，不過今年更加好玩，事關Samsung Anycall 同《Face 》就剛響10月25日同26日搞咗個「超想像至激派對」同現場人士一齊玩，仲有至新手機OMNIA i908到場，大玩「電子骰盅」送大禮！25日晚，鄭嘉穎同陳法拉更現身蘭桂坊擔任派對嘉賓，並同大家介紹OMNIA i908，分享用手機心得。
16GB 容量加上使用Windows Mobile ，OMNIA i908絕對有力成為iPhone 殺手。
4位火辣dancer 更拎住OMNIA 勁歌熱舞，令現場氣氛更加熱鬧。
法拉未埋位時已經拎住OMNIA i908自拍到唔捨得放手，仲話輕觸式操控好方便。
在場個個鬥快打「OMNIA MEANS EVERYTHING 」，原來OMNIA 其實係拉丁文「一切」咁解！
鄭嘉穎就最鍾意玩OMNIA i908嘅多元化媒體功能︰「我揀手機最緊要係方便，而呢部機睇片、聽歌都方便之餘，入面嘅遊戲亦非常好玩，等埋位嘅時候有佢響手就唔怕悶。」而女神法拉就好滿意OMNIA i908嘅影相功能︰「我好鍾意影相upload 上自己嘅blog ，OMNIA i908有500萬像素鏡頭，影相一定靚。」
之後，佢哋就同現場觀眾玩遊戲，觀眾只要用手機鬥快將「OMNIA MEANS EVERYTHING 」，用SMS 傳送去大會指定電話號碼就可以得到OMNIA i908手機一部。打完成句都唔使20秒，結果1分鐘後就有幸運兒誕生，順利送出價值$5,980嘅OMNIA i908手機。跟住好多觀眾就繼續玩OMNIA i908嘅攤位玩遊戲，氣氛一樣咁high ！
