汪詩詩戴超當化妝
甄子丹太太汪詩詩、姨仔汪圓圓昨日在銅鑼灣逛街，去了眼鏡店Eyedonist 買太陽眼鏡，汪詩詩透露自從女兒和兒子出生後，會貪方便少化妝，經常戴太陽眼鏡，跟老公甄子丹的收藏更多達300副。
女兒百度近視
汪詩詩說：「受老公影響，佢做明星，出街會戴，我有時冇時間化妝都會戴。」她又謂4歲半的大女最近驗眼有近視，令她頗為擔心，她說：「佢成日瞇起對眼睇嘢，check 咗有近100度近視，佢唔知幾開心，成日拎副眼鏡嚟抹，我反而擔心囝囝都會有遺傳近視。」她又謂囝囝下月1歲生日，囡囡則來年1月生日，中間又有聖誕節，為安排連串慶祝派對，忙個不停。採訪、攝影：Law Wai Man
汪詩詩（左）和汪圓圓昨日結伴逛街，在銅鑼灣買太陽眼鏡。
