大仔開咪緬懷亡父教誨陳任坦然離世「唔係世界末日」
一代著名DJ 陳任日前因肺炎去世，令眾人惋惜。前晚陳任長子陳冠源到港台擔任爸爸生前主持節目的嘉賓，細說陳任生前軼事，陳冠源透露爸爸指很多事物並非必然，死亡並不是世界末日。今年7月是陳任和太太結婚30周年，原先陳任安排一切和太太慶祝，但最後他竟要食醫院飯度過。
縱橫電台多年的著名DJ 陳任，日前因為肺炎病逝，終年63歲。陳任生前仍在港台主持節目《Sunday 任我行》，前晚車淑梅請來陳任大仔陳冠源擔任此節目嘉賓，和其他曾和陳任工作及認識的朋友DJ ，一同緬懷爸爸的過去。
「要做嘅做晒冇遺憾」
右起：車淑梅前晚請來Uncle Ray 、陳任大仔陳冠源及鄧慧詩等一同緬懷陳任往事。
節目甫開始，車淑梅表示：「佢無奈要告別呢個節目，佢一直都好鍾意做直播，但之前佢改為錄音，我都知道有問題出現。」陳冠源說：「心情當然未平復，當爸爸接受治療時知道有風險，佢都話知有機會出事，佢話要去嘅地方去過晒，要做嘅又做晒，冇遺憾。爸爸叮囑我同細佬好好照顧媽咪，佢話it\'s not the end of the world （唔係世界末日），好多嘢都唔係必然。」陳冠源透露今年7月是父母結婚30周年，原先爸爸已安排好一切和媽媽慶祝，怎料卻要在醫院度過，他說：「爸爸笑話點知要食醫院飯。」
任評判選中好老婆
今年是陳任和太太結婚30周年，但因他在醫院醫病故未能和太太慶祝。
陳任好友區瑞強接受電話訪問時憶述當年陳任追求太太經過，他說：「當年佢太太參加歌唱比賽，陳任做評判，佢就專登唔畀名次佢，暗降佢老婆，佢話等佢出一隻碟就唔做歌手，做佢老婆。」陳冠源還透露媽媽現在心情依然難過，車淑梅則透露當陳任在病榻中，太太經常陪他左右不停叫他「爹爹」。陳任生前被民政事務局委任為非物質文化遺產諮詢委員會委員，陳冠源表示此乃義務性質。助理廣播處長（電視）張文新透過電話說：「我哋會將陳任以前做主持嘅錄音同圖片等結集畀佢太太，至於會唔會叫政府畀番啲榮譽佢，佢係中文電台嘅一代宗師，當之無愧，其他就順其自然。」尾聲時陳冠源向爸爸說：「希望你去到邊都咁開心，爸爸你放心，我哋會好開心，我同細佬會照顧媽咪。」撰文：藍嵐
愛吃愛玩的陳任臨終前向囝囝表示人生無遺憾，並叮囑他好好照顧媽媽。
