中環在線：iPod 指數話你知「澳元最平」
澳洲聯邦銀行出咗新一份「iPod 指數」，睇吓第4代8GB 容量嘅iPod nano ，喺全球62個國家嘅售價，咁就知貨幣嘅強弱。澳元近幾個月大幅貶值三成，結果令澳洲一躍成為買iPod nano 全球最平嘅國家，印尼第二！
上年香港買最抵
呢部第4代iPod nano ，美國賣149美金（約1162港銀），香港蘋果店賣1150港銀，喺澳洲呢？132美元，即係大約1030港銀，約係美國同香港嘅89折。呢個指數上年都有出，當時比較嘅係4GB 容量iPod nano ，結果最平嘅地方係香港，只賣1155港銀，第二平係巴西，只係一年時間，美元走強，同佢掛鉤嘅港銀亦同一命運，所以最平嘅售賣點亦讓咗畀澳洲。個報告話，由iPod nano 引伸到其他商品，例如鐵、煤及銅等，就知大家出口嘅競爭力。
iPod nano 售價做咗匯率走勢指標。 資料圖片
