求驗客手記：「手榴彈」炸冧兵工廠
今季英超賽場「手榴彈」滿天飛，好多強隊都焦頭爛額，上周六阿仙奴亦被炸到爆「廠」！我求大俠講緊史篤城「大力神君」戴納，佢呢期個朵仲響過當年嘅「七旋斬」碧咸。
大菲有意請佢登「車」
設計圖片及對白
阿仙奴作客負史篤城1:2，兩個失波都來自戴納嘅手榴彈戰術。領隊雲格賽後話做過好多次「手榴彈演習」，不過「禁區內逼埋20人，根本防不勝防。」咁係咪代表雲格備戰不力呢？不過，艾
巴約、禾確特、沙格拿受傷，同尹佩斯領紅牌，又真係好難控制嘅。其實，戴納個朵早已響遍英超，今季史篤城13個入球，8個來自「手榴彈2戰術」。利物浦領隊賓尼
斯之前就提醒球員，唔好喺戴納鎮守嘅左路失界外球，結果紅軍0:0打和史篤城。車路士領隊史高拉利，亦花3日時間研究戴納，仲委任泰利專責拆彈，結果贏史篤城2:0，賽後仲話「唔排除撬佢過檔！」戴納嘅「手榴彈」又行又遠，隨便掟都成30、40碼，時速仲可高達40米，難怪禁區內隊友一掂到，幾乎可以攬頭慶祝。史篤城變咗英超恐怖分子，Big4都要買佢哋怕。領隊普利斯就話：「多謝傳媒啦！搞到對手見到界外球都驚餐死，令呢個戰術更加成功。」
陳炳安：搵個人遮住佢
咁有咩應付方法呢？香港隊前「手榴彈」專家「皺皮」陳炳安，就話應該搵個人企喺戴納面前，甚至3、4碼前跳起，就可以影響準繩度同角度。而且，門將好應該主動出擊，尤其後柱同細禁區內應該接晒落嚟；睇吓下場對手韋根，又識唔識拆彈先？
