來季春夏時裝周，兵分三路巴黎、米蘭及紐約，今回將各地品牌showroom 漏網之魚一次過盡收眼底。巴黎showroom 有衫有鞋有袋，視覺大滿足；靚太同事R 及J 則說，無論米蘭定紐約，強烈覺得鞋靚過袋，更如數家珍：細小鞋面質感包攬軟皮、
皮、漆皮、絲絹、緞帶、織皮/ 花、藤、彩珠、閃石、流蘇……齋耳聞不用目睹都覺其肉緊。有幾靚？馬上睇。
半月形手袋易襯衫，淡粉紅鱷魚皮易討好，雙贏。
上季鞋踭玩燈膽，今季轉為螺旋金屬繩索，一樣別出心裁。
這款shoulder bag 本身很七十年代，加入金屬長鏈鋪成袋面，復古加摩登。
紅色亮漆蛇皮已夠高調，加埋金屬響鈴鏈帶，走路上來叮噹作響，此謂真正loud 囉！
Loewe 金迷
貴精不貴多，Stuart Vevers 上任第二季成績單，繼續以展覽形式陳列。今季繆思除了八十年代蒲的士夠格的Paloma Picasso ，仲有電影《九個半星期》女主角金碧辛嘉，共通點？硬朗、性感、自信。具體些？即係筆直英氣套裝有、嫵媚玲瓏cocktail dress 亦有。不過，曾奪06年英倫最佳配飾設計師寶座的Stuart ，耍家絕技依然在鞋袋配飾，保持重金屬格調，工整貴料，繁多細節，一針一線，皆心機。
Loewe
中環置地廣場B29-30號鋪
25220996
新款Missed Heel 船踭，意念來自內彎的Choc ，本來幼踭部份被削去，空心的反而變成船踭，虛虛實實，造詣盡顯。
平底芭蕾舞鞋，two tone 部份縮減至鞋頭邊位，正面看像一個笑臉，好幽默。
向Coco Chanel 致敬的涼鞋，鞋面方扣是RV 品牌標記，鞋側的山茶花，不用我多作介紹啦！
創作總監Bruno Frisoni 話來季作品新舊交融，佢好滿意。
Wallis手袋亦向六十年代的雙色設計取經，意念源自RV 專為溫莎公爵夫人而設計的款式，飾有隱藏搭扣和前袋，以及加大碼樹脂鏈帶，感覺好retro 。
全新鞋款Pyramide ，鞋踭亦是源自六十年代RV 作品，鞋面如剪紙的花樣，則是全新意念。
Bruno 的創作繆思，法國一代名模Ines de la Fressange 示範全新Prisme 手袋。
Decroche 鞋踭取材自60年代RV 全盛時期的作品，鞋面設計靈感來自日本摺紙藝術。
Roger Vivier 典藏
富歷史的牌子，總留下無數典藏可供後進借鏡，正如Christian Dior 當年御用鞋匠Roger Vivier ，經典多不勝數，像Belle du Jour 方扣平底鞋、Choc 內彎鞋踭，一一成為今日創作靈感。來季RV 繼續將招牌Choc 鞋踭重新演繹，也有向Cristobal Balenciaga 及Coco Chanel 致敬的鞋款；被譽為新一代大師的Bruno Frisoni 承先啟後，keep 住傳統，也為品牌注入未來DNA ，RV金漆招牌，保得住。
Roger Vivier
中環置地廣場G19-20號鋪
28108690
暗格短打配四骨「大浪」褲，最愛領口及袋口的白緄邊，highlight 咗成件事。
絲絨外套衫腳漂白，再加埋內膽波浪邊，明明著咗兩件衫之嘛，已經造就豐富層次感。
圓點短打，cute 。
圓點套裝，褸仔內裡是圓點，連外套邊都裁成半圓滾邊，好貫徹。
全白蝦人著，但加埋方形明袋及併綴千鳥格圖案，立即好看又易著。
深啡/ 淺啡/ 藍白格仔，一格多變。
淺藍條子恤配層層半截裙，憑衫襬一截漂白，夠認出係玲姐手筆。
粉紫/ 粉紅/ 淡杏紗質連身裙，淡淡粉粉易討好。
COMME des GARCONS COMME des GARCONS 愛麗斯
玲姐（川久保玲）來季主線玩足球拆解，布料像膠又像皮，講可穿性當然不及支線COMME des GARCONS COMME des GARCONS ；管他支線副線，來季都好看易穿到不能，有一貫的bleached 絲絨褸/ 裙、層層疊格仔恤衫/ 工人褲裝、圓點褸/ 裙，通通以愛麗斯小圓領貫穿整個系列，十級可愛。雖然我已過咗像個男孩的年紀，一於唔理，買！
COMME des GARCONS
中環安蘭街20號地下
28695906
Coming Soon 概念來自電影的「不日放映」，是以每季新裝發表都以video 作媒介，這些模特兒示範相片其實只供buyer 參考㗎咋！
品牌嘜頭是一個圓點，易認。
白色恤衫有束帶設計，可束埋一箸著。
銀鏈嵌真皮手帶，raw chic 。
真皮tote bag ，不花不巧。
書包形手袋，樸實無華，timeless 。
織皮形銀鏈皮帶，全系列最有rock 味係呢件。
Coming Soon 輕量搖滾
山本耀司跟意大利廠牌合作，唔出自己名但作幕後監督的Coming Soon ，風格超級casual 但質地堅持上乘，擺明向低調時裝人招手。來季向六、七十年代胡士托取經，些少結他print ，剪裁線條loose cut 如嬉皮，但用色堅持素淡，僅以一抹彩黃或彩藍調劑一下，整體感覺有點像Muji ，不過有型好多囉！
D-mop 中環安蘭街11-15號地下28400822
I.T 銅鑼灣京士頓街2至4號地庫28816102
特大號側孭袋或背囊，是今次主打，我比較鍾情後者，size 足足遮住成個背脊，甚有書生feel 。
平實版蛇皮platforms 舊舊哋，襯得雙腳尤其白淨。
紳士帽向得時裝友歡心，草織版更多添一份巴西夏灣拿風情。
如果唔係Gucci ，試問仲有邊個夠膽大剌剌地戴上幾條「八兩金」招搖過市？玩cult ，都要睇字號。
黑色
皮oversize clutch 綴上猶如聖誕花的閃石裝飾，好有節日氣氛。
閃爍，是品牌必殺技，暗閃蛇皮搭帶platforms 又點可以唔再冧庄當主角？
我望住這個袋，嘗試憑空猜度這隻大紅色，到底可以襯到屋企衣櫃幾多個look ？再俾啲時間我，等實貨落鋪，我應該可以扑槌。
Gucci 浪人
09春夏，Frida Giannini 重返波希米亞舞台，除了衫，還有一系列配飾隔岸助威，暗閃exotic leather 、logo mania 、「燦」眼首飾等，一律開大，係威係勢，為迎合大中華市場，確係走對了路。也許，你已儲夠一屋logo pattern ，今次，不如改投純黑
皮oversize clutch 或大紅肩袋，另類浪人造型，加分。
Gucci
中環置地廣場G23-30號鋪
25244492
Multi-color
皮wedge shoes 矜貴得來又添兩分edgy ，最得我心。
Tote bag 走實用路線仍然大有市場，低調啲，可選白色漸變粉紅暗monogram 款，想搶眼奪目，可愛的七彩手繪monogram 必是首選。
通窿菱格配合金屬物料，感覺簡約cyber ，比起傳統的水晶evening clutch ，更user-friendly 。
Slider 迷你手袋，sell 似足手銬的有趣手柄設計，配鎖形方扣，創作靈感會不會是來自監獄呢？
Kangaroo 屬09S/S 力谷的signature bag 之一，除咗金色蛇皮外，還有
皮、鱷魚皮、網布包蛇皮、織藤等物料，至潮拎法，就要學足貓行女模不扣袋口，露出袋內間隔先叫型喎。
立體漸變色玫瑰box clutch ，「賣飛佛」，feminine 到極。
要數手工錢，非這個鑲滿如雲石粒的手袋，袋邊還緄滿水晶，相信售價與袋重同樣「啃」。
Fendi 改頭換面
講真，睇得多Fendi 經典Baguette 手袋，Karl 爺又點會唔心思思想搞啲新意？09S/S 帶來新驚喜，一洗闊太專屬的奢華風格，袋款來個大改造，設計線條明快利落，力谷的兩大袋王:有點Kelly Bag 影子的Kangaroo 和手銬手柄的Slider ，仲有唔少款式年輕但不失貴氣的box clutch 都值得留意。
Fendi
中環置地廣場G18號鋪
25241339
今季，鞋子30's 復古味盎然，通花/ 織皮、綁帶或搭帶，女人味極濃，兼且鞋踭普遍兩吋半至三吋左右，誠為愛靚又愛命女人的福音。
粉色絹布包裹住粗藤製成的clutch ，小巧精緻。
Varina 屬鎮牌之寶，惜香港每每入色唔齊，今次併藤織成新款，更年輕，希望快啲到港啦！
同樣為壓鱷魚皮紋，球形evening bag 可說是斯文版本的「流星鎚」。
有些鞋，女人一輩子未必能穿上，但又好恨喎，眼前這三對絲帶高踭鞋，正是好例子，我會揀黑色。
當雙腳潛入這對絲絹通花露趾ankle boots ，肉色透現，嬌艷欲滴，我從未想像過自己雙腳能如斯性感！
鮮紅色壓鱷魚皮紋手挽大袋，可上膊，品牌logo 刻意置於袋側，我覺得，拎住上飛機，型爆。
坊間，蛇皮手挽袋比比皆是，然則像這一個蛇紋整齊排列兼色澤勻稱的，實在不多，當然冇五位數字，唔使諗！
Salvatore Ferragamo 玩物
天時夾地利，每次喺米蘭睇Ferragamo 新貨，零舍投入兼衝動，最好買晒佢！
今勻，玩兩極物料。繼樹皮之後，以藤入題，併絲絹做袋或織花造鞋，女人味直達頂點，高踭鞋性感嫵媚不在話下，連鎮牌之寶Varina 亦玩雙併物料展現媚態；手袋方面，或手提大袋或球形evening bag ，蛇/ 鱷魚皮交錯出場，不過，都不及一個藤/ 絹織成的蝴蝶形clutch 搶眼，我俾最高分。
Salvatore Ferragamo
中環文華東方酒店地下G01-3號鋪
25230899
除咗鞋要七彩，玩金葉森林feel 的box clutch ，一樣有齊多種繽紛色彩，紅、橙、藍任君選擇。
淺藍色看似牛仔布的百褶ruffles 撞鮮橙色漆皮，估唔到效果幾趣。
蛇皮鞋袋幾乎每季都有，今次玩鮮紅漸變綴金屬片，wild 得來又幾rock 。
以羊角做手袋handle ，襯鱷魚皮併蛇皮手袋，完全切合非洲主題。
模仿古時草織鞋的做法，由七彩皮條捲織成的鞋底，不論色彩、質料定款式都遠超想像中好看。
一系列七彩串珠仔心形圖案鞋袋充份表現出民族小手藝的色彩。
Sergio Rossi 七彩部落
過咗一季黑沉沉的秋冬之後，春夏即按不住要發放異彩，加上創作總監Edmundo Castillo 臨別秋波，由曾
力YSL 鞋履設計的Francesco Russo 取代，告別之作份外賣力，以色奪人。來季除了七彩到暈，概念是沿自非洲部落，唔少得蛇皮鞋袋壓陣，亦有珠仔心心圖案手袋及平底涼鞋，一反一貫只sell 高貴style 的作風，多了份童真，也令人著得更開心。
Sergio Rossi
金鐘太古廣場255號鋪
21183668
模特兒閒坐一隅，作真人活動布景板示範09春夏新裝，養眼至極。
紫黃色碎花系列，我比較恨platform 搭帶高踭鞋，著咗佢，就有5呎9吋，幾high 。
摺紙藝術今季載譽歸來，加上蛇皮高踭鞋，甚有東洋味。
要算女人穿高踭鞋的缺點，廿隻手指腳趾加埋都唔夠數，但當面對一對儀態萬千的高踭鞋時，女人的勇氣大到你唔信呀！
遠看本以為是一個藤袋，近觀方發現是
皮/ 皮織成，簡單中見不平凡，貫徹品牌穩重風格。
灰色
皮側孭袋，書包式設計校園味濃得化不開，中性又有型，好鍾意，希望價格一樣令人雀躍。
即使是蛇/ 鱷魚皮如此wild 物料，設計依然斯文得緊要，oversize clutch （雖然有條鏈「lung 」住，但我建議大家當clutch 用。）走耐看路線，路人皆見。
Bally 遊園
猶記得，去年showroom 滿眼花團錦簇，還大讚特讚Brian Atwood 的浪漫情懷。今年，遊園依舊，但「餡」已由bohemian 變成yuppies ，造型更中產、更有型，仲更貴添！
鞋袋配飾，
皮、蛇皮、鱷魚皮壓紋，以及來季備受各品牌追捧的皮革織花，衣衫除了雪紡，珠片/ 毛裘更是唔少得，打造一片繁華景象。
Bally
中環國際金融中心II 期2061號鋪
35862899
Clutch 長興長有，印有豹紋圖案的馬毛併
皮，拉鏈作點綴，夜蒲clubbing 最啱。
繼續有上季熱賣的gladiator sandals ，今回鑲滿彩珠，少了那份中性硬朗型格，卻多了繽紛玩味。
在場睇中這個混色蛇皮加斑馬紋馬毛patchwork 肩袋，手工用料天衣無縫，仲十分輕身，啱晒鍾意帶一大堆隨身物的我。
酷愛JC 的evening clutch ，我最心儀木板綴晶石扣蛇皮款，原始中帶貴氣，最緊要係唔老氣。
Peep-toe 的booties 秋冬已大熱，春夏嫌未夠涼快，boots 身開晒菱格窿又點睇呀？
咩叫剛柔並重？睇吓這對米白針織併珠片的搭帶高踭鞋，咪知囉！
Jimmy Choo 非洲之女
無獨有偶，Jimmy Choo 來季都係玩非洲民族feel ，不難找到品牌拿手的animalprint 、水蛇皮，還有彩色串珠等細節，不過話到明會滲入大都會glamorous 元素，併湊不同物料如拉鏈、金屬扣、晶石及珠片等，唔係一味原始，好讓我等尋常都市女性，都可以在文明社會扮演wild girl 。
Jimmy Choo
中環置地廣場2樓213A 號鋪
25256068
亞洲市場猶如大肥肉，飛到去米蘭，都俾面請來一位東方面孔女模示範來季oversize clutch ，又藍又綠，幾happy 。
壓蛇皮面層掃上coating ，立立令兼具質感，去蒲去飲去街去dating 去……邊都得啦！
漆皮粉色本非我杯茶，但此袋孭上身確係夠girly ，想唔心動都唔得添！
皮革織花是來季配飾的主流，但太花巧，有礙襯衫返工，同色暗花誠為最佳之選，大方卻不失設計感，開會、見客隨時候命。
曾幾何時，我迷戀桃紅色，但真人實驗屢試屢敗，東方人真係幾難carry ，然而，眼前這個桃紅色壓駝鳥皮手挽袋，色調稍深一度，唔loud ，拎上手反而幾精神，諗得過。
壓鱷魚皮紋手袋，一貫四正穩陣風格，出年興Lady Like 造型，啱襯到極！
Furla 整色整水
家族生意，出品每每由市場主導，倘若只顧曲高和寡，又難以為品牌加分，Furla 是其中擁兩者平衡的倖存者。09好色當道，桃紅艷藍湖水綠比比皆是，食正colormania 大勢，但我偏偏反其道，獨愛淡色蛇皮clutch ，入門價可望承接得上，作為辛勤歲月的獎勵品。
Furla
中環國際金融中心1076號鋪
22347148
現場擺置一幅掛牆鞋陣，彩虹色loafers 列隊歡迎，我已鎖定心水，非這隻嫩黃色莫屬。
深紫色壓鱷魚皮紋手挽袋，方正圓融設計，實用到不得了，誰說名牌好睇唔好用？
蛇皮褸加閃片clutch ，powerful woman 上身。
Strap shoes 又返來了！灰色已是少見，壓鱷魚皮紋更添一份中性味，襯淡色衫，煞是好看。
桃紅色Pashmy 最顯眼，入場人士均忍不住摸吓拎吓孭吓，可想而知，今期佢有幾紅？
孔雀藍蛇皮旅行袋沒有logo mania 的喧嘩，又有名牌的貴氣，唔覺意露身家，咪咁囉！
由Pashmy 家族組合而成的入牆櫃，紅、白主打，醒神兼具夏日度假風情。
Tod's 萬有引力
人大了，做人和扮靚也日趨穩重、簡約，這個經歷，體現在新代言人桂莉芙柏德露身上；昔日荷李活萬人迷，現為兩女之母，引力轉移，就如Derek Lam 筆下新飾，圓滑鮮明，Pashmy 的鮮桃紅和loafers 的嫩黃粉綠，更顯活力，牽引範圍，包括我。
Tod's
中環置地廣場G19-20號鋪
28108692
風褸也是螢光主打，突破一向斯文穩重的風格。
「H 」logo sneakers 釘上銀、白色珠片，穿上腳，若隱若現華麗感，暗地裡晒貴氣，咪咁解。
摺
式tote ＋clutch bag ，貫徹今季螢光耀眼之風，亦夠方便實用。
去季，Trend 系列獨佔風騷，今季亦唔輸蝕，螢光桃紅/ 灰銀甚具太空未來感。
Logo mania 手挽袋勝在百搭輕便，孭上機最啱。
側孭袋或銀紫或銀啡色，金屬誘惑再次披甲上陣，好慰藉一班長青粉絲。
現場左望右望，一剎間，「睄」到這對深紫色
皮流蘇sneakers ，誠為品牌近年大膽之作，我欣賞。
Hogan 螢影不離
在米蘭，不止有桂莉芙柏德露，還有我最喜歡的螢光色。迎接春夏，品牌唔玩粉色，改玩螢光色，桃紅/ 深紫/ 又金又銀，硬朗、潮流感兼備，showroom 現場一片漆黑以襯托螢光之美，意念統一，抵讚。
Hogan
金鐘太古廣場364號鋪
29180181
設計總監Tia Cibani 愛煞platforms ，今季，索性在鞋踭上大造文章，倒三角木踭，多一分俏皮。
腰飾或clutch 橡筋綴飾，掛上圖騰符號銀扣，一點心思，卻有一百個配襯的可能。
無論是一串柴枝還是氣球併麻繩頸飾，均極輕巧，又唔「拮」肉，戴上了，恍如無物，香港女仔愛簡潔衣著，戴一條，成個人咪自不然醒晒囉。
蛇紋布製粗腰帶綴上銀扣和薄木塊，民族風甚濃，又有修腰之效，惟望價目不太遠離群眾，照殺！
戴起這個「頂夾」形頭箍，似假fringe ，幾好玩。
異地碰上梁詠琪，粉絲上身的Gigi 集中火力揀大型配飾，個子又高又瘦，啱晒啦！
Ports 1961飾目以待
在香港，早已見識過品牌飾物的魔力，人到紐約，有設計師領航，心情興奮到想大叫！
09春夏，依然民族到死，以北美圖騰為題，一系列睇唔明的符號裝飾，有趣，一系列摸唔透的天然物料，好玩。看似腰飾，實則頭帶；看似手帶，實則clutch 綴飾，還有大堆頭/ 頸飾，目不暇給。
時裝人總說，穿衣貴乎心思，小小飾物比起一件華衣更具魔法，現在，我開始體會到這句說話的意思。
Ports 1961
