《命中注定我愛你》嘅阮經天以裸泳慶祝收視爆紅，范逸臣亦跟風，但大膽程度比阮經天更甚。台灣《蘋果日報》圖片大家估吓依家喺百家姓入面，最紅係邊個姓？Bingo ，就係姓范
！不過，今日嘅主角係台灣《海角七號》男主角范逸臣，而唔係賴晒嘢嗰個前中信泰富董事總經理范鴻齡呀！大家要分清楚。
范逸臣雖然未能展現「小臣臣」雄風，亦特意露出圓渾屁股「以饗觀眾」；證明自己的真心誠意。台灣《蘋果日報》圖片
人紅，就預咗俾人翻舊「屎」。范逸臣唔例外，其實佢嘅舊「屎」又的確夠晒「臭」嘅。
講起范逸臣，真係可以用坎坷嚟形容，但亦有人話係佢自己「嗱嚟衰」。其實佢喺七、八年前已經算有名氣，當時仲有個「情歌王子」稱號，可惜爛蒲爛飲形象差劣下，逐漸聲沉影寂到無晒影；直到四年前翻唱韓片《我的野蠻女友》主題曲《IBelieve 》國語版後，立即鹹魚翻生，人氣再度飆升。但佢又秉承咗中國人一句「江山易改、劣情難移」嘅咒語，今次唔止衰醉酒，再加當街屙尿俾人拉兼罰錢。咁樣一搞，衰完又嚟衰過。喺接拍《海角七號》之前幾年，真係兜
到連鄉下嘅「尾禡騷」都接唔到。
好彩撞到魏德聖賣田賣地都要拍《海角七號》，更好彩因為柯有倫嫌電影奀茄推莊，最後以20萬台幣（約港幣5萬）搵到佢。最可笑係電影都未開拍，就已經被批死仆硬。
不過，世事真係無絕對，《海》一出，爆到
聲，更成為台灣史上華語片票房最高紀錄，導演魏德聖固然吐氣揚眉，但最開心嘅，唔使講都係男主角范逸臣。
電影上畫兩日就有5百萬票房，佢拍晒心口話如果電影收到1千2百萬，就會裸泳答謝觀眾喎。哈，估唔到又俾佢開口中，而且仲唔止千幾萬
。范逸臣果然牙齒當金使，就喺墾丁嘅夏都酒店海灘剝光豬裸泳足足五分鐘，high 到無倫。
人紅就被翻舊帳。近日有台灣報章將范於04年10月同新女楊凱竹當街調情及隨街「屙尿」臭史原版登出。對近日意氣風發嘅范逸臣嚟講，唔知係嗱景定贈興。
連當街「露械」屙尿都試過、區區裸泳又點會難倒鹹魚翻生嘅范逸臣呀！
女主角田中千繪曾同周杰倫拍過《七里香》MV 。喺《海》入面飾演嘅友子，同范逸臣飾演嘅郵差阿嘉，由鬥氣冤家，因為一次兩人醉酒發生一夜情之後變為戀人。
台灣史上票房最高華語片《色戒》（2007）$6,800萬
《功夫》（2004）$7,450萬
《城市獵人》（1992年）$7,500萬
《警察故事3：超級警察》（1992）$7,800萬
《海角七號》（2008）$1億2千萬
＊票房以港幣計算
