CoCo 和Bruce 雖然相差17年，但兩人愈嚟愈恩愛。看完CoCo 為自己製作嘅短片之後，Bruce 感動到即刻攬住女友。
上周五（10月24日），李玟（CoCo ）喺君悅酒店舉行派對，為未婚夫Bruce Rockowitz 慶祝50歲生日。為隆重其事，CoCo 特地將酒店Ballroom 裝修成巨型表演場地，仲重金禮聘多位外國歌手包括Rihanna 及Lionel Richie 等來港表演。CoCo 更在台上高歌一曲，令一眾來自外地的富豪級賓客極盡視聽之娛。
CoCo 指今次派對使費高達二千萬美元，仲話：「Bruce 五十歲生日喎，梗係要令佢畢生難忘！使幾多錢都冇計嘅。」
一場金額海嘯，令恆指勁跌，公司倒閉、裁員、凍薪等新聞無日無之。打工仔們，呢啲就叫同人唔同命啦。
億半賀我生日，濕濕碎啦！（設計對白）
大合照做後母其實好難，但見CoCo 同Bruce 前妻所生嘅兩個女Rachel （左）與Sara （右）感情咁好，就知CoCo 一定花咗唔少心機。尤記得CoCo （李玟）未婚夫Bruce 於05年向佢求婚時嗰隻十卡鑽戒，就知本身已經係小富婆嘅CoCo 呢世打跛腳唔使憂。今年係Bruce50歲生日，生活愈來愈富貴嘅CoCo 全面停工一年，專心為未婚夫搞生日派對。她說：「呢個Party 已經籌備咗成年，使幾多錢唔好講，最緊要開心！（點解會有呢個構思？）我鍾意唱歌，對舞台比較熟識。所有嘢都係由我親手搞，今日見到個場地咁靚，真係好開心！」
當晚被邀的嘉賓全部非富則貴，如澳洲及新西蘭富豪榜排名20的Solomon Lew 伉儷等，不過房祖名亦有被邀。原來房祖名與CoCo 家姐Nancy （左）是在美國比華利山時嘅鄰居，所以非常熟落。
為未婚夫開腔舞台上有專程從美國請來的樂隊，身為主人家的CoCo ，點都要應未婚夫要求在台上唱《Endless Love 》。
超巨型生日蛋糕作為超豪生日會，生日蛋糕當然要夠勁。呢個金色嘅生日蛋糕高三尺，蛋糕中心仲識得噴煙花。
國際歌星助興
Lionel Richie能夠請到搖滾歌手Lionel Richie 來港獻唱，除了酬勞外CoCo 應該花了不少心機和唇舌。
RihannaRihanna 演唱期間，邀請壽星仔Bruce 、CoCo 和兩個囡囡上台，不過CoCo 為免搶去未婚夫鋒頭，寧在台下拍掌支持。
脫衣舞女郎CoCo 專程請來著名的脫衣舞女郎Dita Von Teese 為Party 揭開序幕，令全場嘉賓的情緒即時升溫。
盡善盡美記者置身今次極盡奢華派對現場，場地是根據70年代紐約著名俱樂部「Studio 54」設計，入口以5萬粒水晶打造「水晶大道」。Ballroom 兩邊裝上三個六米高清熒幕，配合專門設計嘅電腦效果。台上的表演嘉賓，更是從外國請來的著名歌手Rihanna 、Lionel Richie ，以及歐美著名脫衣舞女郎Dita Von Teese ，配合來自紐約嘅樂隊，簡直就係一個世界級小型演唱會。據知單是表演嘉賓的酬金，已高達五百萬美元！
食物方面亦要盡善盡美，CoCo 說：「因為大家口味唔同，為咗要最好，所以叫酒店將最好嘅食物嗱出嚟。」派對後，CoCo 仲請晒所有嘉賓去菲律賓六星級酒店Amanpulo Resort 繼續玩，簡直豪上加豪！
今次慶祝活動，據講使費高達二千萬美元（折合港幣億半），不過Bruce 話：「都有人話過我瘋狂，使咁多錢，但我覺得喺呢個時候，投資喺大家嘅快樂身上，總好過投資喺任何股票產品上，起碼可以即時有回報。」有錢人嘅價值觀，果然非常人所能理解。
Amanpulo 是全球最著名的六星級resort 之一，主打世外桃源feel ，極受富豪喜愛。
每間小屋除了有King Size 睡床加落地玻璃外，露台外的長榻更是休息的好地方。
超豪酒店繼續玩CoCo 一家同賓客們喺香港開完派對後，會再到位於菲律賓小島的Amanpulo Resort 繼續玩。據知該位於巴拉望島上的度假村，是全菲律賓最豪華的度假村，共有40座獨立Casita 小屋，每間約800呎，客人可以享受超靚的沙灘及在清澈的海中潛水。最特別的是該Resort 冇無線電話網絡服務，客人可以完全不受騷擾。該Resort 最平的package是五晚5,585美金，但CoCo 今次是包場，單是租金使費都要近百萬美元。
