經濟動盪時勢，搵工最實際，喺11月頭舉辦嘅大型招聘會，就有成350分工，畀年輕人泊番個好碼頭。
待業青年，除咗上course 自強外，最重要都係搵番份好工先實際。嚟緊11月1日喺元朗信義書院，就會有個大型招聘會，超過20間大型企業及機構，包括柏斯琴行、元綠壽司、威運香港有限公司（天然）、OK 便利店、和民、星巴克咖啡等招聘職位超過350個，發言人黃小姐同發錢韓講：「今次招聘會招聘超過350個名額，飲食業、售貨員、保安員等熱門行業都有，包括和民請全職店務員、收銀、美容，例如和民請待應，中三學歷無需經驗就可以，月薪7,000起；東京和食請侍應，學歷及經驗不拘，月薪$5,500起；現代美容中心請美甲師，有美甲技能證明，月薪$8,000至$10,000等。其中12間公司會即場面試，應徵帶請學歷證明、相片等資料，因為好多工作都係要同客人直接溝通，所以面試時最多表現得健談親切，衣喺要整齊端莊，背心涼鞋就最好唔好喺嚟面試。除咗搵工之外，更會有職業技能訓練課程（例如展翅計劃、青少年見習就業計劃及僱員再培訓課程）介紹，想先進修後搵好工都可以嚟望望。」想搵分好工就要留意。
創．建前程招聘博覽
主辦機構：基督教香港信義會
時間：11月1日（星期六）10:30am-5:30pm
地點：元朗安信街信義書院
招聘名額：超過350個
查詢電話：36925468
