被網民喪插嘅潘美琪（右），03年曾響鄭中基孭飛嘅《龍咁威2003》中跟王凱韋（前名王合喜，左）做過對手。響片中著住三點式出現過幾幕嘅佢，身材相當唔錯。
香港人，其實好有正義感，尤其女人遇到二奶類物體時，就算唔關自己事都可以咬牙切齒。
近排網上最hit 話題已經唔係生果金加幾多，而係「狐狸精事件」。話說本月13日，有位署名mrs_lai 嘅網民響香港討論區婚後生活版發表《大緊肚……但發現》嘅文章，梗係發現老公有外遇啦！網民們萬眾一心即刻做嘢，仲響網名Minimimi 嘅公開相簿摷到被指係mrs_lai 老公同個比堅尼女大堆親密旅行合照，網友仲刮到呢個比堅尼女名叫潘美琪（Maggie ），曾經響港產片《無人駕駛》孭過飛，又響《異度空間》、《龍咁威2003》做過大茄。
本月13日，署名mrs_lai 嘅網民響香港討論區婚後生活版發表《大緊肚……但發現》一文，訴說大肚期間，老公跟一個又靚身材又索嘅
妹密密偷食，留言引起多位網民關注。
大婆揭發 網上慘情訴苦後，mrs_lai 再響網上留言，話俾衰老公「省」鑊甘，於是又激起民憤。
二奶反擊 被踢爆陪佬外遊後，署名潘美琪嘅網民隨即響網上留言，否認自己係第3者。
俾人喪插，Maggie 亦上網回應話俾人中傷，其實男友從未結過婚更加冇個仔。
事情發展到呢度，出名有正義感嘅FBI 就即刻打畀《無人駕駛》導演劉國昌，睇吓刮唔刮到Maggie 出嚟講幾句，劉導演話已經冇同Maggie 聯絡，「我幾年前響街度撞過佢，當時佢已經轉行做文職喇……我當年搵佢，係因為覺得佢性格夠爽夠男仔頭啱晒個角色，真係唔知佢會發生呢啲事。」Maggie 如果真係唔想名譽掃地真係要走出嚟講番幾句喇。
（網上圖片）
（網上圖片）
晒恩愛
潘美琪曾將多張佢同疑似mrs_lai 丈夫嘅親密旅行相放上網，仲放埋多張佢著住比堅尼嘅性感相。但佢最近已將所有相刪走。
（網上圖片）
（網上圖片）
晒明星相
潘美琪將佢同多位大星嘅合照放上網晒命，當中包括大美人李嘉欣同張國榮，幾識黐星。
反叛少女
導演劉國昌（左圖）於99年搵潘美琪（左二）響佢套《無人駕駛》入面飾演反叛少女，佢仲剪咗個skin head 配合角色，劉導演話：「當時佢得十幾歲，性格好爽，最近係點我就唔知喇。」
