友里年中冧莊幫Anessa 防曬拍廣告，一樣刺激到該產品增加2成銷量，其實唔做《Can Cam 》御用模，一樣有大把世界。
娛樂圈不嬲都好現實，日本模界就更加殘酷，好似Anessa 防曬天后虫老原友理咁，冇走樣，身材keep 得好fit ，但最近佢就俾做咗「專屬」模特兒5年嘅日本時裝雜誌《Can Cam 》起飛腳。
原因？一個字：「老！」
雜誌社因為發現自08年起開始大跌書，由06年平均每期賣80萬本跌到最近得番30萬本，加上調查結果發現大多數讀者覺得30歲嘅友里夾硬扮cutie ，唔能夠代表本書專攻20歲至30歲OL 讀者嘅潮流指標，於是改捧22歲嘅另一「專屬」模西山茉希。
所以新一期《Can Cam 》就以友里做封面，大字標題話佢「卒業」，仲宣布佢將過檔同集團每期銷量只得10萬本嘅中女時裝雜誌《Ane Can 》，唔想佢拖累《Can Cam 》銷量。
唉，現實就係咁殘酷㗎喇。
封面就宣布友里畢業，內頁就大大個標題強調「大注目！新Can Cam 模特兒登場」，將只得22歲新捧嘅西山茉希擺頭位。青春大晒，大家明啦！
