人紅要求多，趙碩之早前出席萬聖節活動時已經嫌件衫太性感要同袁彌明搶衫著，難得大會又肯就佢，佢仲可以好大聲同班記者講：「經理人同我講話唔啱可以換！」好巴閉喎。
金融海嘯個個老細坐晒艇，市況唔掂宣傳梗係要縮皮，據知一班
模聖誕黃金檔期都唔敢加價，實行「海嘯價」益用家搶食。
模有市場，不過最近就有傳出名逐吋賣嘅趙碩之「貨不對辦」，酒吧開幕騷明明傾好tube top 上陣搞氣氛，點知臨門一腳反口露得1吋胸罅咁多。不過34D 趙碩之明知出8成力班用家已經收貨，趙碩之秤住露都夠用，難怪班歌星仔近年連商場騷都冇得撈，咁多位女神畀餐粥水食吓好喎！
格肋露底
上週三（22日），趙碩之出席電腦軟件活動時，忽然舉起雙手扮可愛，點知個格肋底烏卒卒。
模同名模咪差在呢度囉！
月初趙碩之出席尖沙咀一酒吧開幕，據知酒吧老闆要求趙碩之tube top 上陣，收咗錢點晒頭，點知到場時趙卻求其露少少交功課。據知情人士說：「傾嗰陣講好3萬著tube top ，點知去到又唔制，搞咗輪先肯將件一字膊衫拉低少少，好在都識搞吓氣氛！」
唔露都high
月初酒吧開幕請趙碩之造勢，雖然咪神當日係咁意出8成力，不過全場喪嗌34D high 到失控，搵歌星邊有咁好效果呀？
套餐1拖3
吸金有市場，趙碩之（右二）即時坐正大名一姐位，最近大名亦推出套餐5萬蚊搵趙碩之膽拖同公司Yumi （左一）、戴夢夢（左二）、麥雅緻（右一）出騷，抵食。
一衫兩著
15日收套餐價出席XLV party 時，趙碩之就著番一星期前出席Pompei 活動曾著過的上衫，擺明賣人唔賣衫。
原價搶食
擺明唔對辦都焗用，只因趙見報率高宣傳效力勁，據知除咗趙碩之，成班
模女神Angelababy 、Janice Man 等已經密謀響聖誕黃金檔期搶食。據知情者說：「班
模幫商場做騷都吸引到大班電車仔，見報率又高，我哋function 完咗次次都要剪報做紀錄，見報多就即係宣傳勁囉！同埋以前聖誕例牌加價一至兩成，家陣經濟唔好，班
模亦識做冇加價，好似Janice 咁，一樣收3萬蚊一個騷，何韻詩唱2首歌就叫15萬，畀你係老細都識揀啦！」
少布驚凍
「騷神」趙碩之貨不對辦，佢就解釋：「上次大家都合作愉快，我唔係密實咗，只係之前我發燒同耳水不平衡，所以著番多少少衫驚冷親啫，我嚟緊呢兩個月啲job 都排密晒，所以都要小心身體，有冇減價就要問番經理人喇！」其經理人Angus 在電話中回覆：「我哋聖誕冇加價，schedule 仲排到出年5月！」你就秤住密密食，難為江若琳喊住話戶口得58蚊呀陰功！
模三級制
每年聖誕都係明星吸金好時機，不過近年
模崛起，一線女神好似Janice Man 同Angelababy 唔加價有叫座力唔在講，削啲嘅
士尼妹Kama 同翻版樂基兒周秀娜亦平價性感出擊，邊個又抵又有成本效益，用家梗係識揀，難怪近年班歌星仔商場冇晒影！
3萬
女神級Janice Man （文詠珊）
主力：商場騷間中撈埋品牌活動同剪綵開幕
優勢：爛做唔揀job ，價量企穩一線。
3萬3千
Angelababy （楊穎）
主力：商場騷、大型品牌活動、剪綵
優勢：揀大brand 扮高檔，似名模不過收得平，抵用。
3萬
模類Kama （羅凱珊）
（套餐連鈴木仁等Elite 奀模）
優勢：人多勢眾，3萬蚊成班模撐場好抵用。
1萬《忽然1周》圖片
周秀娜（Chrissie ）
主力：內衣騷、剪綵開幕
優勢：似樂基兒又肯露，加上價錢唔貴屬市場筍盤。
1千
奀模堆Bibe （王珈晴）
主力：商場騷
優勢：恃住杜德偉女友搭夠，又肯露吓肉。
1萬5千《忽然1周》圖片
莊思敏
主力：商場騷
優勢：apm 、E-Max 等大型商場最愛用，又識咬實胡定欣有話題。
岳少「海嘯價」吸客
有傳金融海嘯捲走岳少6千萬身家，東亞旗下製作公司閂水喉，傳聞東亞最近都整咗啲package 組合，買1送1大優惠，不過反應麻麻哋！
何韻詩：15萬唱2首歌
市況：企硬太貴冇人搵
王菀之加劉浩龍套餐：7萬唱3首歌
市況：價錢仲有商量，不過配搭欠叫座力，仍然冇乜用家接洽。
9萬
電視人商場崛起
近年無線經理人部門積極搵銀，安排旗下藝人唱埋主題曲兼出碟食多瓣，入到屋受師奶歡迎仲可以唱兩嘴，一物多用近年亦好受商場歡迎。
林峯管家仔形象入晒屋，勁受師奶粉絲歡迎叫價9萬一樣做到冇停手。
平時見親Lisa S.都係著得靚靚，行頭閃過《珠光寶氣》，不過早前佢帶本刊響馬術學校影相，著住件公仔tee 又真係有啲反璞歸真feel 喎！
Lisa S.自小熱愛騎馬，亦曾參加過青少年馬術聯賽，仲會落手落腳清潔馬匹：「咁樣可以訓練到我獨立同照顧人。」
百萬馬場 Lisa S.投資百萬的騎術學校位於清水灣，佔地逾6萬平方呎，馬房內現有14匹由澳洲及韓國運來的馬，主要開班教騎術，及租用場地作結婚及生日party 之用。
Lisa S.同吳彥祖拍拖6年，二人嘅財政狀況非常獨立，年初Lisa 仲飛到上海為男友投資的酒吧舉行周年派對。
Lisa S.退休靠馬仔
模氣勢如虹，行開天橋而經驗老到的名模，明知唔夠爭惟有未雨綢繆搵定後路。
行足19年天橋的Lisa S.一向得名牌歡心，現時行騷價企硬5萬元。同吳彥祖拍拖後，34歲的Lisa ，同男友搞酒吧之餘又同Channel V 簽5年約做VJ 。Lisa 最新搞作就係響清水灣搞馬術學校，「而家一星期要錄影兩日，仲要響office 寫稿，好似OL 咁。馬術學校都投資咗成百萬，奧運單位都送咗好多馬術圍欄、奧運擺設畀我哋。希望呢度係我退休後，同Daniel 一齊打理嘅dream place 。」
Ana R.做騷性感冇say no ，不過由於騷價大跌，所以情願轉行做agent 。
記者到訪Ana R.投資、位於灣仔乙級商業大廈的模特兒公司，咁啱有模特兒面試，不過質素似乎一般。
Model One 模特兒公司商業登記為Ana Maira （Ana R.原名）及曾跟周立璟model 公司合股的陳寶雲，Ana R.明撬前男友拍檔。
Ana R.轉做判頭
跟Lisa 是好姊妹、亦曾經係本地名模，可惜入行8年的Ana R.早年同前男友周立璟甩拖後即失控喪蒲跌watt ，雖然已經有巴拿馬籍男友P.Diego 撫慰，但Ana 以前最有叫座力的內衣騷價已由高峯8萬跌至2萬元。做模難搵食，Ana R.實行自己開model 公司，撬埋前男友的公司拍檔齊齊搞生意，又自己捧巴籍男友P.Diego 及招攬吳嘉龍、李璨琛前女友Carrie 、宋佳佳等做公司台柱，不過據知旗下model 收費唔高，一萬一個job 照接，Ana 暫時應該冇乜肉食。
周汶錡6萬蚊冇市
Lisa S.同Ana R.兩位好姊妹已諗定出路密謀退休，市場其餘師姐級model 亦一樣被
模衝擊，加埋金融海嘯殺到，名模一係轉型、一係減價先有嘢撈，但亦有人企硬價，最佳例子就係做電視又出書，曝光率曾經超高嘅周汶錡，而家叫價6萬蚊一個騷就無人問津，做名模風光不再咯。
6萬
谷到個胸變晒形嘅周汶錡又真係好難同趙碩之爭食。
周汶錡有位法籍珠寶高層男友Julien ，不過男友有錢唔愁，周汶錡可以唔使做，應該隨時都可以收山。
周汶錡 34歲
05年開始轉型做才女出旅遊及美容書的周汶錡，又主持過電視節目，反而model job近年買少見少。據一公關表示：「佢淨係接國際品牌同有交情工作，佢開價太高啦，而且好多客都話佢noise 唔夠，付出同收穫唔成正比。」
無人問價
做食家楊琤 36歲
現況：收山前收4萬，現轉型做主持，06年開始淡出模界，曾主持電視節目如《開心大發現》、《更上一層樓》、《蔡瀾逛菜欄》。最近仲幫旅遊雜誌寫食評，名模變食家。
8萬
最甜心樂基兒 28歲
現況：剛完成油畫課程，跟黎明成日傳婚訊，行騷賺錢買花戴，難得佢連天王班師奶粉絲都冧掂，又學畫畫增值，佢話：「遲啲可能做啲同藝術有關嘅工作囉！」最多人錫係你。
3萬
繼續碌陳嘉容 33歲
現況：現正修讀珠寶設計，今年初轉簽Lisa S.及琦琦公司的「模度勢」，據公關稱：「佢之前自己出面接job ，之後轉咗公司就少咗啦，不過佢成日同啲agent 吹水，始終競爭大，少咗好多人搵啦！」
8萬
多新聞熊黛林 28歲
現況：熊黛林有個舞王郭富城男友，難得熊黛林亦識做男友唔怕講，據公關說：「佢好識做嘅，行完騷做訪問都識自動波滲兩句城城，全行至襟撈算係佢。」
