趙碩之、木村乃、官恩娜（Ella ）、可嵐、尹蓁晞、戴夢夢及有「翻版徐子淇」之稱嘅曾麗儀等，噚日現身尖沙嘴出席「gi VIP Shopping Day 」活動，一向以性感掛帥嘅趙碩之初到場嘅時候鬼咁密實，但發現俾著低胸裝嘅木村乃搶晒風頭，心有不甘，即時喺商場店舖內揀衫玩變身，換番條低胸裙搏過，佢試穿鞋過陣仲有意無意地咁烏低身嚟搶鏡，馮仁昭覺得佢真係幾搏命。
出名唔錫身嘅木村乃再嚟一招鬼爪擒胸，問你點頂。
你著佢又著，木村乃試靴比趙碩之更搏命。
Ella 自封獨孤精
尹蓁晞雖然冇巨胸撐場，但有一對修長美腿，總算爭番少少注意力。
木村乃仲寸寸哋咁話：「我著嘅係普通衫，唔知道咁樣係性感，平時都咁著，不過有時行街就會俾啲男人話我好大波，搞到我好尷尬。」
此外，Ella 岩岩出唱片，其中1,000隻特別版CD 已經賣晒，問到佢嘅「好友」有冇買碟支持？佢煞有介事咁：「我冇朋友㗎喎！」俾記者笑指佢係獨孤精時，Ella 又話：「我以為你問我過個人（緋聞男友陸恭和）嘛！總之我身邊所有朋友都有買啦！」
趙碩之發現唔夠木村乃揮，所以即刻換條低胸裙迎戰，
著鞋
過時仲笑住烏低身搶鏡。
