如今做人真痛苦，這些有毒那類超標，樣樣都說吃不得。都係Color Lai 有先見之明！十幾年前已經開始親自下廚為家中西施犬煮兩味。「啲狗糧一打開陣味鹹鹹香香，都唔知用咩做，我又唔係醃鹹魚，點俾得隻狗食！」於是不斷研究適合貓狗食用的材料、嗒落無味但有豐富營養的貓狗餐單。「頭一次煮嘢俾屋企隻貓狗仔食，佢哋嗰副滋味樣，我一世都記住。」私人心得益埋唔少街坊。「朋友知我經常煮嘢俾狗食，就要求跟我學，點知一個傳一個，好快通天，咁不如索性開間鋪！」結果小小年紀，十四年前已擁有自家的寵物店，也是第一代附設home made 貓狗食品的先驅，例如早排曾見報的冰皮狗仔月餅，還將歷年菜式集結成Cookbook 。「Sofar 咁耐以嚟，屋企班寵物日日食我煮嘅嘢，從未食出大頭佛，連獸醫都讚佢哋身形弗！」學煮愛心營養餐俾狗食，肯定點都健康過食問題狗糧！
Color Lai Profile
自細就熱愛烹飪，還將興趣發展成職業：開辦教人煮兩味焗蛋糕的「
子教室」；擁有兼售自家手作貓狗食品的寵物店；又出過兩本寵物食材Cookbook ，要佢分享貓狗食譜心得，點會有難度。
1.絕不可添加任何味料。甚至基本到連糖、鹽都唔落得。事關貓狗體質不同人，餐餐食重味的話，會導致口腔及皮膚病，積聚毒素影響肝腎功能。
2.奶類製品愈少愈好。原來貓狗同人一樣，都有可能對奶類食品出現敏感，例如腸胃不適、皮膚潰爛、或因長期攝取過量脂肪同蛋白質，變成過胖，加重關節負荷，影響心臟運作，妨礙胰臟分泌導致糖尿病，引致連番骨牌效應。故應選用經過脫脂程序，或脂肪相對較少的豆奶、羊奶甚至成分須特別處理的寵物奶粉，都好過揀供人飲用的pure milk 。
3.煎炸炒等油膩食品多吃無益。身為主人的更應該堅守立場，緊記少吃多滋味的道理，否則餐餐心軟任由隻寵物愈食愈大碟，禍從口入盞自己嗱嚟煩。
女廚的教室
羊奶布甸（1犬分量）
用羊奶代替pure milk ，一樣有齊豐富鈣質等營養，但又唔會食屙狗狗，仲冇咁肥添，適合一星期食一次。
材料
1.Troy 貓犬奶粉50g
2.澳洲Pets Own 羊奶50ml
3.雞蛋1隻
1.將羊奶和貓犬奶粉撈勻，變成漿。
2.加蛋，並發好，直至勻巡，用篩隔渣倒落梳乎厘杯。
3.煮法可蒸可焗，以大火蒸15分鐘，或預熱焗爐用160℃火焗20分鐘，搞掂。
吞拿魚意粉（2犬分量）
吞拿魚和鱈魚均有助美毛，使犬隻毛質順滑不易打結。意粉主要是澱粉質，夠飽肚，俾狗仔當主餐啱啱好。
材料
1.Catty Man 鱈魚絲10g
2.意粉100g
3.貓犬食雜菜餅伴碟少量
4.Seeds 白金吞拿魚20g
罐頭
1.先煲滾水齋烚意粉，需時約8分鐘，上碟。
2.在意粉上放吞拿魚和鱈魚（因為意粉本身無味，故將吞拿魚罐頭直接開後，倒出上碟，借佢本身原味來吊味）。
香焗曲奇（可存放2星期）
用菜油代替牛油，可避免犬隻食後出現皮膚敏感。營養豐富而又不含任何味精雜質，乃上佳狗狗小食。
材料
1.澳洲農場有機小麥粉250g
2.固體菜油100g
3.Troy 貓犬奶粉50g
4.雞蛋30g / 蛋黃（去蛋白）10g
1.將菜油和奶粉blend 勻，先加已發好的30g 雞蛋，跟住落10g 蛋黃，再blend ，直至徹底變成曲奇漿料。
2.最後落小麥粉，手攪撈勻，倒入做曲奇專用整餅唧袋，唧出你想要的曲奇形態。
3.預熱焗爐，用180℃火焗10分鐘，完成！
我叫「歡歡」落手落腳示範前，Color 先同兩位貴婦狗試食兵團來張合照。
Color Lai 先後推出以寵物為主打的Cookbook ，證明DIY 寵物食品，中正「我隻貓狗都要食得健康！」的主人心態。
YEAH ！
我叫「喜喜」
