左：起起11個月大玩具貴婦狗、右：水水1歲10個月玩具貴婦狗
要小霸王「水水」定下來影張全家福真係有嘅難度，呢日要出動李珊珊助手、攝影師同記者，再加埋李珊珊的零食攻勢，先可以令「水水」乖乖望鏡頭。
近年圈中興起一陣寵物熱，唔少平日工作已經好忙嘅藝人，都選擇養寵物嚟調劑生活，好似李珊珊咁，養兩隻玩具貴婦狗，每個月最少都花$5,000。雖然唔使供書教學，但為咗keep 住狗狗靚樣，每個月都花幾千蚊沖涼做spa 。想慳嘅，可以學陳鍵鋒，佢隻家貓係領養返嚟嘅，平日只需照顧佢一日三餐貓糧，真係好慳家。
依家做明星寵物咁幸福，真係做隻貓做隻狗，好過做情人囉！
絕育手術費$4,500
為咗愛犬健康，李珊珊早前帶「水水」同「起起」去做絕育手術，看見愛犬手術後謝晒，李珊珊非常心痛。
「水水」絕育後戴上耳罩感到不舒服，竟發脾氣在家周圍小便宣洩不滿。
水水三個月大
三個月大的「水水」，一副可憐樣，成功
到李珊珊帶佢返屋企，不過一返到屋企就現出愛搗蛋兼臭脾氣的真面目。
慶中秋
「水水」同「起起」今年首次一齊過中秋節，李珊珊買定兔仔燈籠應節，愛犬難得肯依偎住影相，不過影完呢張相又繼續你追我逐。
李珊珊拎出「水水」同「起起」至愛嘅日本雞肉乾，佢哋就會stand up 同請請。
本來養開貓的李珊珊，自06年遇上當時仍是BB 的玩具貴婦狗「水水」後，便成為愛狗之人，去年家中再添一貴婦狗成員「起起」。李珊珊當正兩隻寶貝狗係自己仔女，從來唔會體罰，食好住好仲個個月有得去五星級寵物美容，單係一隻沖一次涼連做spa 已經要成$1,200，加埋狗糧零食玩具，養呢兩隻貴婦狗每個月最少要花$5,000。
「水水」生性活潑好動兼有少爺脾氣，李珊珊對住佢，真係少嘅精神同體力都唔掂。李珊珊仲話「水水」係家中小霸王，「『水水』一唔鍾意就會周圍小便發脾氣，試過咬爛晒我嘅衫，所以養咗冇幾耐就搵咗狗狗訓練員嚟幫手。最初抱『起起』返屋企，『水水』驚失寵，脾氣變得好差，花咗半年先令佢哋可以和平相處。」有李珊珊呢個好主人，水水同起起衣食無憂，仲識歎識食
！
李珊珊每個月最少會帶「水水」同「起起」去沖一次涼，呢次仲做埋spa ，歎慣嘅「水水」雖然在家係小霸王，但呢日竟然乖乖就範。
「水水」由店內的日本美容師山本三惠子親自沖涼及剪毛，山本小姐非常有耐性，記者問佢「水水」沖涼時乖唔乖，佢竟然用廣東話答「超乖」！
左：水水、右：起起
幫襯星級寵物美容李珊珊幫襯的狗仔美容店係位於銅鑼灣白沙道的「Paw Palace 」，明星客仔仲有阿Sa 同吳日言等等，狗仔美容服務由$800起（視乎狗仔品種及大小而定），spa 及微泡按摩浴另外收費。
曹敏莉當正「Honey 」係親生仔，「為咗佢我依家一收工就返屋企，朋友叫我去飲嘢都唔會去。」
「Honey 」早前打齊防疫計，曹敏莉首次帶牠去街街，「我帶咗佢去赤柱玩，嗰度空氣好嘅，佢又可以周圍走。」
Honey5個月大玩具貴婦狗
因為出牙仔要不停咬嘢，曹敏莉最近買了很多玩具給「Honey 」發牙痕之用。
曹敏莉靚衫俾狗咬恨養狗多年的曹敏莉，3個月前朋友的貴婦狗生了狗B ，她見到後愛不釋手，「朋友俾『Honey 』同佢姐姐我揀，我抱住『Honey 』，佢訓得好
，覺得同佢好有緣分。」
「Honey 」是曹敏莉第一隻飼養的狗，所以她特別寵牠，除了不停買新玩具給牠外，連自己的靚衫都犧牲埋，「佢出牙仔，特別鍾意咬嘢，有時仲會嗱咗我嘅衫嚟咬，我見佢咬得咁開心，都由得佢咬囉！」曹敏莉強調在家中雖然很縱「Honey 」，但堅持教牠基本規矩，以免牠出街時失禮。
包包兩歲半英國短毛
胡杏兒養的9隻貓當中，以兩歲的英國短毛貓「包包」出鏡率最高，「因為佢性格似狗，比較熱情同埋嗲人。」《壹週刊》圖片
JoJo1歲半英國短毛
英國短毛貓「包包」（右）同「JoJo 」（左）性格溫馴，早前更成功考到貓醫生執照，難怪胡杏兒特別錫呢兩隻貓。《壹週刊》圖片
為了令愛貓有得玩，胡杏兒在家亦放了希臘貓屋，搞到好似寵物店咁，咁阻地方想唔搬大屋都唔得啦！《飲食男女》圖片
豆豆1歲半摺耳貓
9隻貓大部分性格都比較孤僻，影單獨照已相當困難，莫講話全家福，好似摺耳貓「豆豆」這張相，也是胡杏兒偷拍得來。
胡杏兒為肥貓買豪宅貓癡胡杏兒，原來家中從小到大都有養貓，她形容自小家里就像動物園一樣，高峰時期養了5隻狗、4隻貓，7隻兔仔及3隻[龜，和現在9隻貓相比，可說是大巫見小巫。
現在胡杏兒家中有3隻家貓、1隻長毛貓、兩隻英國短毛貓同埋3隻摺耳貓，「初初只有4隻貓，後尾大家姐大肚，我幫佢接收咗兩隻，後來我嘅貓又生咗3隻BB 。雖然有9隻咁多，不過佢哋喺屋企各自有地盤，所以都相處得好融洽。」
正因為每隻貓都有地盤，胡杏兒開始覺得地方唔夠用，為了給牠們多些生活空間，竟然打算為貓買豪宅，「我依家仲租緊樓，最近經濟唔好，想趁低吸納置業，希望用低過1千萬可以買到一層2千呎嘅屋，等嘅貓住得舒服嘅。」呢個廿四孝主人，真係唔話得。
陳鍵鋒謂平日「骨妹」好嗲佢，一定要抱抱及按摩，即使他離家幾天到外地工作，牠都不會搞事，相當乖巧。
骨妹1歲家貓
陳鍵鋒謂家貓好容易照顧，只要準備貓籠及貓廁所等簡單設施便可。每次出埠他都會買唔同的貓食物俾「骨妹」，這些就是他早前到日本所買。
陳鍵鋒平養家貓陳鍵鋒一年前在愛護動物協會領養了家貓女「骨妹」，選擇「骨妹」竟然因為她醜，「我平日有時間就會去探吓嘅貓，幾次去都仲見到佢，我諗係因為佢唔係名種又生得唔靚，所以冇人要，咁我咪領養咗佢囉！」
自此「骨妹」唔單止搵到個好主人，仲搵到個私家按摩師，「佢叫做『骨妹』都係因為佢好鍾意俾人按摩，我得閒都會幫佢按摩㗎！」鍵鋒雖然唔會特別花錢去養「骨妹」，但每次去外地都不忘買手信俾隻貓，「雖然我唔可以帶埋佢一齊去外地，但係我去到每個地方都會買當地嘅貓糧俾佢當係手信！」
囡囡6歲非洲塞舌爾巨[龜
05年8月，謝霆鋒帶同去年10月被盜的塞舌爾巨[龜「囡囡」，出席「新城唱好謝霆鋒ｘ達明一派同場異夢音樂會」。《蘋果日報》圖片
現在謝霆鋒家中還飼養了17隻[龜，包括這隻世界上三大陸地[龜的非洲盾臂[龜。
雖然霆鋒一屋[龜，但平日飼養都唔使花太多時間，至於食方面，主要食新鮮菜葉為主。
謝霆鋒懸紅十萬尋[龜愛[龜如命的謝霆鋒，去年8月借出家中至愛的80磅巨[龜「囡囡」，給相熟的[龜店作展覽之用。展覽結束後，「囡囡」暫住[龜店，但[龜店被賊人爆竊，連同「囡囡」共30隻名種[龜被偷去。
雖然[龜店老闆答應賠錢，但霆鋒依然非常傷心，「我睇電視新聞報道個展覽影住『囡囡』，估唔到係最後一面！」為了尋回愛[龜，霆鋒不惜懸紅十萬元，「我唔係要錢，我係要番隻[龜。」可惜霆鋒02年以4萬元買下的非洲[龜「囡囡」，至今仍是下落不明，他惟有寄情剩下的17隻[龜。
Kapun3歲中國沙皮
黃宗澤帶「Kapun 」去訓練之前，已教曉牠不少動作，好似kiss 呢種簡單動作，當然難唔到牠。《蘋果日報》圖片
06年，黃宗澤帶「Kapun 」首次客串劇集《賭場風雲》流浪狗一角，兩父子在拍攝現場玩到癲。《蘋果日報》圖片
黃宗澤訓練狗明星黃宗澤自小養過不同品種的狗，但他對中國沙皮狗情有獨鍾，3年前在寵物店見到Kapun 後，決定買下來。由於黃宗澤太忙，平日照顧Kapun 起居就交由黃媽媽負責，「我媽咪當正佢人咁養，親自整嘅新鮮牛肉俾佢食，搞到佢依家唔肯食狗糧。」
Kapun先後在《賭場風雲》、《天幕下的戀人》及現在拍攝當中的《烈火雄心III 》三部劇集中參與演出。為了《烈火》中有好表現，黃宗澤更特別送Kapun 到狗學校訓練，「以前我都係親自教佢，但今次佢要叫同埋咬嘢會難嘅控制，所以專人教好嘅。」
左：蚊蚊5歲史納莎、右：奶茶4歲史納莎
李司棋除了開工外，其餘時間都會用來陪伴「蚊蚊」和「奶茶」。
這種專給狗食的靈芝孢子，要成五、六百元一樽，同人食的靈芝孢子價錢差不多。
李司棋靈芝餵狗03年，「荷媽」李司棋電療治癌症產生後遺症而患上骨質疏鬆症，醫生指腳患可能無法痊癒，於是她養了史納莎狗女「蚊蚊」作伴。之後荷媽閒逛寵物店巧遇「奶茶」，但牠剪耳未埋口又被店內其他狗攻擊，於是心痛地抱牠返家治療。
想不到當日靠食靈芝孢子康復的荷媽，對「奶茶」照辦煮碗亦奏效，「我俾佢食靈芝孢子，傷口好快就埋口，身體仲復元得好快。」據知，李司棋現在都會俾愛犬食靈芝孢子，令牠們身體更好，減少病痛。
