呢場集合咗超過50隻芝娃娃嘅大場面，係講主角Chloe 去到墨西哥一個叫Techichi 嘅古城，仲見到好多同族喺嗰度聚居，成班狗仲會跳來跳去扮跳舞，而且仲要唔係電腦效果，係訓練出嚟㗎！狗仔電影長做長有，淨係今年已經有《柴犬奇蹟物語》同《我和尋回犬的十個約定》，雖然日本狗電影係就係拍得好感人，但而家金融海嘯經已夠催淚，真係唔想慘上加慘。
好在，迪士尼即將派出西洋犬反擊。下月20號上畫的《走佬芝娃娃》（BeverlyHills Chihuahue ）講述一隻家住美國比華利山的富貴芝娃娃蕩失路要搵路返屋企的過程，唔賣慘情賣動作，一上畫仲連續兩星期成為美國票房No.1。
咦，富貴狗喎，應該搵鄺美人隻寶貝Cash 客串吓啦！
《走》片講狗女Chloe 係一個有錢闊太（右）嘅寶貝，咩都畀最好嘅佢，點知一次出trip 將Chloe 交畀姪女Rachel （左）照顧，Rachel 更唔小心喺墨西哥渡假時整唔見咗Chloe ，令佢要流浪異鄉，更差嘅喺鬥狗場俾惡狗咬死。
撼低走樣里安納度套新片《叛碟同謀》、連續兩星期成為美國票房一哥的《走佬芝娃娃》，除咗幾隻芝娃娃主角外，仲集齊都柏文、貴婦、德國牧羊等品種，成套戲動用超過200隻狗，更有蛇、狼同獅子客串，齊人過國家地理頻道。
Chloe （右一）同另外幾個有錢朋友生活極豪，除咗餐餐鋸扒外更有私家泳池，不過後來Chloe 落難，成班酒肉狗友就離棄佢，同人一樣咁現實！
訓街搵狗幾百隻狗，淨係要湊夠數都有難度。行遍成個美國同南美，工作人員終於喺洛杉磯同墨西哥的動物領養中心搵到大部分狗仔拎返去訓練，所以班狗演員中分別有一半係識聽英文同西班牙文！為咗甄選其中一隻主角Papi ，著名狗仔訓練員Mike Alexander 不惜訓街搵狗：「我
網上見到隻狗嘅相，覺得佢隻大耳仔同個身形好襯個角色，於是特登揸車去嗰間領養中心，點知去到已經閂咗門，我咪唯有
戶外停車場訓一晚等佢開門囉！」
當紅狗女
扮演富豪狗Chloe 嘅芝娃娃Angel 今年4歲，訓練員話佢嘅性格同角色一樣囂囂哋有大小姐脾氣，Angel 嚟緊將會接拍另一套新戲《Hotel for dogs 》，好多job 喎！
女高手
呢隻扮演暗戀Chloe 嘅芝娃娃Papi ，拍完戲後跟咗狗仔訓練員返訓練中心長住，佢喺戲中
女技術一流，除咗識碌地沙氹Chloe 開心，仲會用口叼隻草蜢俾佢玩，可惜俾Chloe 嫌污糟！
虛擬大茄
呢兩隻核突老鼠同蜥蜴喺戲中勁搞笑，初時諗盡計仔呃Chloe 頸上嘅鑽石鏈，後來卻良心發現幫Chloe 搵主人。唔講唔知，原來呢兩隻嘢完全係用CG 造出嚟，又幾迫真喎！
巴閉替身由於戲中所有狗都識講嘢，又要做出鄙視、驚訝等複雜表情，所以找來Drew Barrymore 配音之餘，更用電腦幫手將狗狗嘅五官加工，亦會參考演員配音時的表情，令狗樣更人性化。而且為免班狗仔拍到虛脫，導演仲為幾位主角搵定替身：「狗仔體力有限，尤其係細細隻嘅芝娃娃，所以預備咗替身，例如主角Chloe 有四隻替身，負責拍游水同跑步嘅鏡頭，而狼狗Delgado 更有6隻替身，因為佢又要狂奔又要跳火車，好易
㗎！」
人要連續拍幾日夠
啦，又唔見有6個替身！
狗咁矜貴芝娃娃細細隻又cutie ，容易養而且方便攜帶，所以深得唔少名人明星喜愛，班星唔單止勁
本幫狗仔扮靚，更會買晒名牌衫名牌袋畀佢哋用。乜都唔使做就有咁高享受，我都想做隻富貴狗呀！
Paris Hilton 萬元尋狗美國蕩女名媛Paris Hilton ，除咗慣性失儀外，另一個招牌動作就係抱住佢隻芝娃娃Tinkerbell 周圍去。做得有錢人隻狗，食好住好唔使講，連走失都巴閉過人。04年Paris 唔小心整唔見隻狗，曾經懸紅成萬蚊港紙搵狗，更專登上高收視節目《Entertainment Tonight 》呼籲觀眾幫手尋犬，睇怕唔見咗男友都冇咁緊張。
台灣《蘋果日報》圖片
台灣《蘋果日報》圖片
蕭亞軒二萬狗袋台灣天后蕭亞軒養嘅芝娃娃Gemini ，連用嘅嘢都要同主人一樣係天后級。據蕭亞軒所講，佢隻愛犬每件衫最少800蚊港紙一件，頸圈就要用價值三千蚊嘅LV 真皮袋，至於狗袋就係名牌Goyard ，盛惠約二萬嘅超豪手提袋，行頭直情勁過好多姐仔！
《忽然1周》圖片
徐子珊零食氹狗比起Paris Hilton 同蕭亞軒，徐子珊隻狗女囡B 算係最草根嗰隻。雖然冇畀名牌嘢佢用咁奢侈，不過呢位主人錫到佢
，一有時間就帶埋佢周圍玩，又會買好多零食氹佢開心。其實隻狗邊識分係名牌定cheap 牌呀，好似子珊咁陪多嘅佢仲實際啦！
