賭王何鴻燊隻Fit 馬「爆冷」，上季尾唔係跑第二就係第三，令到場打氣嘅燊哥和四太梁安琪大表失望。今季開鑼咁耐，「爆冷」尋日先至出賽，參加觀瀾湖沙田錦標賽，由於不擅賽程兼且負磅重，所以賽前成為廿二倍大冷門，個個唔睇好之餘，就連燊哥和四太都無入場，只派十三歲細仔何猷君入場代為打氣，點知最後真係「爆冷」勝出，猷君捧盃威盡全場。
「爆冷」真的爆冷
「爆冷」之所以不被睇好，關乎路程和負磅外，同場仲有大熱門馬王「好爸爸」，比賽時「爆冷」一直落後，但其後抽出外檔發力後上，輕鬆奪冠。西裝骨骨嘅猷君喺看台上興奮得握拳振臂歡呼，面對即將要拉頭馬和捧盃顯得相當緊張，所以慌忙致電父母報佳音：「真
！唔係講笑，要拉頭馬，無呃你
！」
自從馬會放寬容許馬主嘅未成年子女入馬場後，一直未試過有未成年人士單獨拉頭馬，今次猷君拉頭馬兼捧盃真係開創咗馬會先河，難怪猷君身邊嘅親人都急不及待讚猷君話：「你創咗馬會紀錄呀！」飄飄然嘅猷君就回應話：「好開心做代表捧盃，可惜父母有事唔嚟得！」
今次贊助觀瀾湖沙田錦標賽嘅駿豪集團，副主席朱鼎健（Ken ）和常務副主席兼行政總裁王英偉（Wilfred ）入場主持祝酒儀式，並陪同出席頒發獎盃。阿Ken 和Wilfred 有兩個共通點，都係Giorgio Armani 嘅擁躉，著西裝著到鬼咁Fit ，阿Ken 就講笑，話Wilfred 咁嘅年紀仲保持得咁Fit 已經好難得，但Wilfred 反應好大：「咁即係話我老
！」
世界數學賽奪獎
小賭王猷君雖然年紀輕輕，「爆冷」先前又咁冷，冇人估到佢會代表爸爸媽媽拉頭馬，但佢尋日表現淡定，一啲都冇失禮父母。其實猷君讀書好叻，聰明伶俐，去年參加世界數學測試精英邀請賽，奪得表現優異獎，爸爸何鴻燊特別去香港大學頒獎畀佢，仲讚個仔係一個好算盤，數學叻，但數口唔及媽媽，「希望佢大個成就威過我」。賭王對個仔好有期望，唔使講，都係錫到
。
卓妮
「爆冷」勝出，何猷君（中）隨即興奮地致電父母報上喜訊。 （徐家浩攝）
何猷君雙手
實沙田錦標賽獎盃回家。
陳南祿（左）、朱鼎健（右）及王英偉夫婦一同豎起拇指為沙田錦標賽打氣。
