美國時間22號（本港上星期三深夜），Google 手機G1正式開賣！鎖SIM 、出機簽約等老規矩，翻版iPhone 政策再度出台；不過當地網絡商T-Mobile 唔似得AT&T 咁自私，只要肯畀多220美元（即399.99美元，約3,120港元），你就可以買齋機兼無約跟身！既然唔使鬼崇出機（利用美國人身份證上台），首批約50部水貨星期五晚已極速抵港，落地價即炒上$5,680，比建議零售價勁貴八成！
記者、攝影：陳國輝
鳴謝：Like
插SIM 前做手腳 出機免上台，最大好處係間接幫香港用家，唔使硬食一大筆「無謂台費」，兼唔使俾班水貨佬，乘機抬高機價；不過G1仍面對SIM Lock 問題！即係話就算你放張香港SIM 卡落部機，根本就用唔到！
點算？原來解機佬已為每部機「特製」咗一張Turbo SIM ，只要將佢夾埋張本地SIM 卡一齊用，手機就會誤以為你用緊T-Mobile 網絡；就如早前一系列日本機咁，據講成功率仲幾高！另一樣要留意，首次開機時必須輸入用戶嘅Gmail Account ，然後先能夠Unlock ，雖然手機亦提供Create New Account ，但步驟繁複兼
時間，預早搵電腦搞掂好過！
■開價$5,680，好得人驚！
■機身長闊厚都好接近，只係個芒稍為細啲。
唔上網即變垃圾
■睇中文網冇問題，仲有放大鏡縮放瀏覽。
G1最把炮係採用Google 開發嘅新系統Android ，最大特點係全開放式，任何人都可以自己編寫程式，放上網俾人單撈！冇錯，比起iPhone App Store 而言，佢好處係完全免費，當然，壞處則可能會出現大量無謂資訊，例如廣告之類，不斷騷擾玩家。
但如果玩G1而唔上網就真係冇乜用，佢內置好多服務，如Google Maps 、Amazon MP3Store 同埋YouTube 等，全部為上網而設，假如買部機只為影吓相或者Show Off 自己，咁真係
晒！
■類似iPhone App Store ，入面軟件完全免費！
■同亞馬遜合作，有過萬首歌收費Download 。
■內置手機版YouTube ，畫面幾順暢。
■有AGPS 及Google Maps ，睇香港街道都無問題。
■甩出嚟過塊就係Turbo SIM ，睇落認真兒戲。
■G1講明唔用Stylus ，除手指操控，仲有Mouse Ball 。
Body Check!
■拗柴機身設計，原來係想方便打字時輕鬆啲！
■300萬像素鏡頭，但用起嚟畫面有拖慢情況。
■Google 負責軟件，HTC 做硬件裝嵌，所以有佢Logo ！
■跟機配立體聲Hands-free ，鋼琴黑勁Grand 。
全民Talk ：睇跌唔睇升！
BoBo ：「估唔到水貨機拎到香港都可以上網，好多功能仲用到晒添！」
阿庭：「成六千蚊貴咗少少咋，而家8GB iPhone 都係$4,780之嘛。」
小麗：「呢種機款加埋黑色殼唔係太討好，我都係鍾意iPhone 多啲。」
阿豪：「冇諗過撈網頁嘅速度咁快，用Mouse Ball 控制仲幾舒服添！」
華少：「雖然香港人冇人唔識Google ，但人氣就應該冇Apple 咁勁咋。」
莫生：「我從來冇諗過要用$5,680買一部手機，呢個價買到Notebook 喇！」
Profile 制式：WCDMA 及GSM 四頻
體積：117.7×55.7×17.1mm
重量：158g
通話時間：350（3G ）/406（2G ）分鐘
主要功能：Android 開放式作業平台、QWERTY 鍵盤、AGPS 及Google Maps 、支援microSD 卡、HSDPA 數據傳輸、內置WiFi 、300萬像素相機
查詢：樂駿（23806669）
地址：旺角先達廣場地下G89號舖
