Lucy 在Stanley Rugby Sport 當店長4年，牠的樣子更成為欖球衣的品牌logo ，令更多人認識牠。
平日行街shopping ，入到舖頭sales 會公式化咁講句「觀迎光臨、隨便睇睇」，再加埋「今日做緊特價喎」，新意欠奉。但係有啲舖頭就好識「食腦」，養隻熱情狗狗做PR ，對住客人搖頭擺尾挨挨傍傍，討得不少愛狗顧客的歡心，亦令店舖生意大增。依家經濟不景氣，想生意好啲，不如考慮請番個狗員工看舖！
阿Sam 跟Lucy 感情要好，每天一起工作，阿Sam 說已視Lucy 如家人一樣。
原本正在揀衫的胡小姐，乍見Lucy 時，即被牠的可愛樣子吸引著，不停逗牠玩耍，而Lucy 亦乖乖靠近胡小姐身邊，讓她撫摸。
阿Sam 將Lucy 的名字及樣子印在自家設計的欖球衣的掛牌上，令銷量大增。每件約$100。
有客人內進，Lucy 會迅速地跟隨在客人腳邊，好像靜心等候為客人提供服務。
假日的赤柱遊人特別多，商店集中地的赤柱大街更擠得水洩不通。位於街尾的Stanley Rugby Sport 欖球衣專門店，狗店長Lucy 每朝11時正已經穩站店中，準備招呼客人。
記者剛步入店內，Lucy 立即趨前走近腳邊搖頭擺尾，盡顯熱情待客之道。Lucy 是一頭6歲的英國曲架犬，主人阿Sam 在四年前收養牠，之後每天帶著牠開工，收工後一同回家，十足一對出雙入對的生意好拍檔。
「嗱狗」成鎮店之寶
自從Lucy 「加盟」後，店舖的人流明顯增加，生意額亦不斷上升。Sam 說：「Lucy 來了後，間舖熱鬧咗好多，客人入嚟買衫之餘，都會同佢玩下。好多客成日嚟幫襯，但唔記得舖名，反而識得Lucy 、Lucy 咁叫，我就靈機一觸將我哋自己設計嘅欖球衫用咗Lucy 個樣做logo ，印響每件衫的掛牌上，到依家已經賣咗幾萬件。」
為食狗易肚屙
這時，有位外籍女士走入店里，但第一件事並非揀衫，而是大叫「Lucy 、Lucy 」，更不停撫摸牠的身軀，跟牠玩耍，而Lucy 亦很樂意招呼這位熟客，挨近她的身邊親近她。
似乎這位狗店長確實做到以誠待客，令客人賓至如歸。但阿Sam 話，當Lucy 遇到手上拿著美食的客人，牠會忘記「職責」，只顧挨著客人的腳邊「擦鞋」討食物。「有啲客會專登嚟搵Lucy 玩，仲送玩具同狗零食俾佢，不過亦因為佢食得太雜，不時搞到肚屙。」
報攤是24小時營業，啫喱仔的作息時間也變得日夜顛倒，因此日間看檔時常忍不住「放蚊」，樣子趣怪。
有心人將啫喱仔看檔時的相片放上blog ，令牠在大埔區「狗」氣急升。
大埔狗報販坐鎮
大埔墟的狗報販啫喱仔亦相當出名，每日24小時同主人曾先生在運頭街的報紙檔坐鎮。這天早上7時多，記者站在街角細心觀察，發現4歲的唐狗啫喱仔和曾先生分別看管著L 形報攤的兩旁。每當有客人走近時，牠就發出「汪汪」兩下吠聲，通知曾先生過來收錢，非常機警。
曾先生說：「啫喱仔係隻自來狗，三年前我響報檔外見佢瑟縮一旁，仲全身有皮膚病，咪帶佢睇獸醫，醫好咗就收留佢響報檔。你唔好睇啫喱仔個樣懵懵地，其實好幫得手。佢隻耳好厲害㗎，有時明明伏響地下訓覺，聽到有人走近報攤就會吠幾聲提我收錢。」
啫喱仔的看檔短片：
http://www.viedo1314.com/ ... ?viedo_id=48372
Alan 說Coffee 每天都會自動自覺走到他面前，伸長脖子讓他戴證。若忘記替牠戴證，牠就會整天顯得沒精打采。
做狗公關做到有工作證，Coffee 確實零舍不同。
旺角燈飾店狗大使
11歲的金毛尋回犬Coffee ，可說是最廣為人知的狗公關。牠在旺角西洋菜南街的環球電器燈飾公司做了七年，每天早上十時許，店舖的同事會替牠掛好工作證，然後牠便精神奕奕地坐在店舖門前迎接客人。
Coffee 性格溫馴，就算客人逗牠玩，也不會發惡，絕對是稱職的公關經理。自從牠出現後，燈飾店的員工也開心多了，而且亦吸引到很多客人。店員Alan 說：「好多人買電器時都會諗起Coffee ，就會上門搵佢同埋買嘢，因此生意也好了。」
