成功線又叫做財運線及人緣線，如果有好嘅財運及人緣，就會成功！
蘇民峰
左手出現成功線，代表響少年時期屬鋒頭人物，返學時較受人注意，但如果到右手冇咗成功線，咁就代表響三十歲後，大有機會只係一個普通人兼冇乜成就。所以有一條長而清嘅成功線比一條長而清嘅事業線更加重要，成功線以深長而清為佳，淺、短、重
較差。有深、長而清的事業線，代表一生有份穩定啲工作，不過如果有埋一條長而清嘅成功線，則代表呢個人事業成就出色，仲會得到別旁人嘅羨慕與敬仰。
起自掌邊太陰丘
太陰丘代表異性同群眾，如果成功線起自太陰丘，代表呢個人適宜從事常常接觸群眾工作，如政治家、公關、演員等，並會響該行業中獲得極出色嘅成績。
起自掌中
清楚而明顯嘅成功線加上起自掌中，代表能憑住個人努力，只要一心一意就會容易邁向成功。當中過程會較為辛苦，但到最後會得到極大嘅滿足。
起自頭腦線上
再加埋頭腦線長而良好（橫向而生），代表係會因個人智慧而得到成功，而呢種成功亦係較長久。
起自金星丘
代表會得到親屬幫助而達到事業成功，如果擁有呢種成功線嘅人，最好同親屬或家人一齊創業。
So Time
讀者嘉嘉問：
本人於1977年新曆X 月10日早上6時左右出生（龍女），這幾年來遇到的際遇都唔開心多過開心！人愈大反而愈冇自信，又冇方向，感情空白，收入唔穩定又少，事業不順，健康方面，近年腳踭勞損，生骨刺退化。
工作方面，我想回舊公司，希望回去後再轉去售票部這些可以坐吓企吓對人嘅工，可是舊公司又冇回音！有朋友介紹我做其他公司文職，但自覺不是一個細心的人，對得電腦和文件多，眼又痛又標眼水又悶！
我本來是個開心、樂觀的人，但現在竟然變成杞人憂天，一事無成嘅人！我都唔想做廢人，只求找到一份適合而做得開心嘅長工就OK ！希望快啲找到，就能解決到金錢問題和尋獲信心！
1.我何時行大運呢？
2.我應搵其他工作，還是以下兩者都適合？第一是外遊領隊（以前做過幾個月，好開心，但搵錢少）；第二是回舊公司（幾時回到？長遠適合嗎？）。
3.健康方面：注意哪方面，如何化解？（聽過蘇師傅響節目講，床褥底放紅綠布分別蓋住5個及9個女皇頭五毫子。同埋屋內東北、西南放8粒白色石於白上）這些方法是否每個人都適合？
4.感情方面，真命天子何時出現？姻緣OK 嗎？
蘇師傅答：
你屬「土」，生於初春，係「假龍女」，你真正係屬蛇。一生要「火」要「木」，28歲開始行運至58歲，但18至28歲呢10年，運氣較衰，要到2010至2015年先至正式入運，之後工作就會較順利㗎啦！問題2，其實你響呢兩年都冇乜突破，做住先啦。健康方面，你響命格上唔見到有腳踭勞損呢個問題，應該係後天出現嘅身體毛病。問題3，係用紅布蓋住9個女皇頭嘅五毫子，綠色蓋住3個女皇頭嘅五毫子先至啱，而呢個方法只係適合寒命人，你仲話睇我節目，哼！感情方面，你下一個「重桃花」機會響2011年，等吓啦！
