從「恐怖嚇廳」走去「不歸路」時，途徑的走廊兩旁有十幾道門，你都預咗有嘩鬼會從門後走出嚟，不過就好難估到喺邊道門，所以喺呢度被嘩鬼嚇到都係在所難免。
下周五（31/10）是萬聖節，近日大街小巷早已充斥著熱鬧氣氛，各大商場更是鬼影幢幢，陰森鬼屋就在當眼處。這些變身萬聖節主題的商場，驚嚇程度各有不同，即刻帶你走一轉！
驚嚇度以5★為最高
步入酒店，先要經過「心慌慌畫廊」。兩旁的壁畫會突然震動，發出巨響，之後你以為沒異樣，想掀起布簾走入另一區域時，一隻面無血色的嘩鬼突然彈出來。但呢個只係頭盤，小兒科咋！
喺「鬼魅書房」有隻面無表情的嘩鬼等住你，當想上前仔細看清楚時，佢就會突然撲向你，加埋後面的書架無端端不停震動，感覺更恐怖。
「恐怖嚇廳」不算太驚嚇，但係啲嘩鬼的扮相和表情，都令人毛骨悚然。
全場最恐怖係「餓鬼飯廳」的嘩鬼廚師，面色青白、眼神凶狠的他，嗱住把菜刀再配合現場的音效和氣氛，真係不寒而慄。
「不歸路」以墳墓及棺材作佈置，亦係全場最驚嚇的鬼域，事關不時會聽到「砰、砰」的嚇人音效外，仲會噴出煙霧，令現場一片迷濛，然後躲藏在角落的嘩鬼就趁機突襲，隨時俾佢哋嚇破膽。
最驚鬼屋 EMax 鬼酒店
咁多間商場鬼屋之中，最驚嚇的肯定是EMax 這間布置成鬼酒店的「HALLOW ．INN 萬勝酒店」。酒店分成6個區域，分別是「心慌慌畫廊」、「鬼魅書房」、「血腥廚房」、「恐怖嚇廳」、「餓鬼飯廳」及「不歸路」。這間密封的鬼酒店，面積不算大，內里布置卻相當細緻，雖然嚇人機關不多，但以音效及嘩鬼夠多取勝。20隻面色蒼白、扮相恐怖的嘩鬼會輪流出沒，令驚嚇程度倍增。每次會分批四個人進入鬼酒店，約五分鐘玩完後才再放人，包保唔會老遠就見到前面的參加者俾鬼嚇的情況，搞到冇晒神秘感。
驚嚇度：★★★★★
HALLOW ．INN 萬勝酒店
地點：九龍灣國際展貿中心EMax 地下中央廣場
日期：即日至10月31日
時間：4-11pm （星期一至四）、12nn-11pm （星期六、日及公眾假期）、4pm-12mn （10月31日）
收費：$30（每張門票附EMax$10現金券）
查詢：26203388
每逢周六及日，怪誕城之夜的主角阿Jack （左）和女友Sally 就會現身迷宮中，趁你不為意時突然出現嚇下你，不過絕對唔會張牙舞爪或刻意露出猙獰面目，而係出於善意的say hello 。
這班中學生進入迷宮時，冷不防橙髮披面、一身青藍打扮的Sally （左）從旁閃出來，嚇得他們大聲尖叫。
玩完迷宮的Louis 說：「呢度個迷宮比較細，好快就玩完。佈置就真係好靚，幾有特色，但唔係好驚嚇，唯一係俾隻女鬼（Sally ）個樣嚇親。」
全家啱玩 屯門市廣場怪迷宮
想趁住萬聖節，帶埋小朋友去感受節日氣氛，但又怕鬼屋會太恐怖嚇親佢哋，咁不如去屯門市廣場呢間「怪誕城魔鏡迷宮」。迷宮以怪誕城之夜作主題，沒有嚇人的機關，但內里的布置和擺設都精緻可愛，仲有主角阿Jack 和女友Sally 會突然出現在迷宮的魔鏡前。現場所見，小朋友初時或會被嚇一跳，但之後就會捉實佢哋拍合照哩。
驚嚇度：★★★
怪誕城魔鏡迷宮
地點：屯門市廣場1樓中央走廊
日期：即日至11月2日（Jack 和Sally 逢周六及日1pm-10pm 現身）
時間：10am-10pm
收費：免費（需於商場內消費，憑即日發票可換領入場券，消費滿$100換取一張，$200換取2張，如此類推。）
查詢：24507782
當路過玫瑰壁畫旁邊時，突然有個蒼白嘅人頭伸出嚟，仲要口角滴血，眼神狠狠咁睥住你，都咪話唔驚，好多人經過呢度都俾佢嚇得高聲狂叫。
睇完人頭壁畫後，突然有副6呎高的棺材出現眼前。你伸手到旁邊的黑洞（紅圈），棺材就突然轉動，一隻面無血色的嘩鬼隨即破棺而出，夠嚇人。
剛玩完海洋公園哈囉喂的胡小姐，這天玩猛鬼花園時不斷驚呼大叫，她事後說：「好得人驚呀，比海洋公園仲驚，因為呢度唔會好似海洋公園咁見到前面嘅人點樣俾鬼嚇。而且這里的嘩鬼做得好投入，好逼真。」
鬧市鬼屋 旺角新世紀鬼花園
想俾人嚇，又唔想花幾百蚊去主題樂園玩，仲要同人逼餐死，咁新世紀廣場呢個「萬聖節的後花園」一定啱晒你。商場一樓的星際廳布置成恐怖的鬼屋，你可以免費入場玩到夠。鬼屋以墓園及棺材為主題，加上一班嘩鬼落力的突襲，扮相同表情都相當嚇人，務求令入場的人嚇餐飽。唯一缺點是部分位置並非密封，抬頭可見商場上層圍觀的人群，令驚嚇程度大減。
驚嚇度：★★★★
萬聖節的後花園
地點：旺角新世紀廣場
日期：即日至10月31日
時間：12nn-10pm （嘩鬼在每天6pm 後出現）
收費：免費
查詢：23970790
一邊展區設計成靈堂，放滿假花、吉儀等，細節相當逼真。
另一邊展覽展出城大學生設計的墓碑及壽衣，啲墓碑都相當搞鬼趣怪。
逢星期日和萬聖節當日，商場會舉行無頭音樂演奏會，由一班無頭band 友在現場演奏，相當有趣。
搞鬼展覽：數碼港墓碑展
西方鬼節溝埋中國墓碑，氣氛更加詭異。講緊係數碼港商場嘅墓碑藝術展「鑄碑．立誌」，雖然唔會有陰森鬼屋或者恐怖嘩鬼，但現場布置及展覽都好有特色，你可以了解到好多喪禮的文化，學到嘢呀。
驚嚇度：★★
鑄碑．立誌
地點：數碼港商場3樓
日期：即日至10月31日
時間：10am-10pm
無頭音樂演奏會
日期：即日起逢星期日及10月31日
時間：2:30pm 、3:30pm 、4:30pm
費用：免費
最熱鬧：朗豪坊嘩鬼派對
旺角朗豪坊唱反調以熱鬧party 為主題，將12樓OZone 舞台設計成魔幻城堡。你可由即日至31號、9pm 至11pm 在「靈異照相館」自選飾物造型，跟一眾嘩鬼在城堡前合照，而萬聖節當日更有「鬼請你玩大派對」，節目包括塔羅牌占卜、魔術表演等，大夥兒熱熱鬧鬧由晚上8時玩到凌晨2時。
驚嚇度：★
鬼請你玩大派對
地點：朗豪坊12及13樓OZone
日期：10月31日
時間：8pm-2am
費用：免費（參加塔羅牌占卜，需手持在指定餐飲商戶的消費單據，金額不限）
十呎高的吹氣南瓜屋造型可愛，最啱細路仔玩。
最啱細路：Mega 南瓜屋
MegaBox 針對有細路嘅家庭，在商場放置十呎高的吹氣南瓜屋，讓小朋友入內大玩吹氣跳床。南瓜屋顏色夠sharp ，外形趣致，更定時有芝麻街人物出現，小朋友一定會鍾意。唔想玩鬼屋嚇親啲細路，但又想感受下萬聖節的氣氛，這里是個好選擇。
驚嚇度：★
南瓜屋跳跳
日期：10月25-26日及31日、11月1-2日
時間：1-8pm
年齡：3-10歲，高80cm 以上
費用：在Megabox 消費$200，憑單據免費入場玩3分鐘。
查詢：:29893000
