[資訊分享] iPhone跌咗有得賠

我個friend Sunny 早前失魂落魄，皆因唔見咗部iPhone 3G ，佢同其他iPhone 友一樣，已經「中咗毒」，每隔幾分鐘都要嗱部iPhone 出嚟玩吓。但係佢噚日同我講，佢終於買番部iPhone ：「而且唔使畀全價添。」

購新機只需$2760原來，iPhone 有保險㗎。佢幾個月前喺3香港買iPhone 時，個職員都冇同佢講，好在有個朋友提佢，原來買iPhone 係會送一年保險，佢即時去3香港門巿補申請保險：「好在部機唔見咗之前我已申請番保險，所以只係需要向3香港畀2,760蚊，就可以買番部新機。但係保險公司要我出示喺警署報失嘅文件。」
Sunny 仲話，間保險公司話，如果當初冇申請保險，失機嘅機主需要向3香港，延長合約六個月，預繳1,322蚊，再畀多4,100蚊機價，先可補買部機。
我打電話去3香港問吓，佢哋話原來只要喺買iPhone 手機時，答應簽多三個月約就可以有免費保險一年，呢項服務只限iPhone 。手機細細部，容易唔見，大家記得有呢樣福利呀，如果唔係就唔著數。
不過，若大家係喺Apple 網頁買嘅iPhone ，Apple 就無提供呢個保險服務。