熊黛林（Lynn ）早前28歲生日，帶狗上郭富城家，密室共度33小時慶祝，事後卻未獲認同「天王嫂」的身份。後日城城43歲生日，他準備和死黨打波、玩車，沒有預Lynn。Lynn 前晚和昨日出席活動都講明不會到賀，只會傳短訊祝賀城城。
郭富城後日43歲生日，據知他會有兩日假期慶祝，城城已經約了好友沈嘉偉、張智霖等，打枱波、打牌、玩車度過，沒有預緋聞女友熊黛林。
熊黛林前晚性感谷胸上陣，偕周汶錡、林嘉綺等在中環為萬寶龍活動行騷，被傳遭名模杯葛的她表現如常。問Lynn 可會上門為城城慶祝生日？她即瞪大眼說：「吓，仲去？唔去㗎喇。」城城會否到訪她香閨慶祝？Lynn 說：「佢唔會嚟我屋企㗎。」她謂上次33小時慶祝後，沒有再和城城聯絡，安慰也沒有？她說：「我唔覺得自己慘，唔通俾人寫一次，傷心一次咩？不過我唔想俾人有藉口寫衰。」問到可會送禮？她謂不回應，至於傳短訊？她說：「禮貌上都要。」提到Lynn 被外界指摘，城城卻沒有幫口，會否扣分？她說：「唔係，唔關佢事，有啲新聞都係針對我。」
唔使要名份
郭富城後日43歲生日，將會和好友沈嘉偉、張智霖等度過。資料圖片
昨日Lynn 在尖沙嘴為M Missoni 騷擔任模特兒，再被問到會否到城城家為他慶祝？Lynn 說：「唔會喇，我而家出街都好麻煩，有好多人跟，我都驚咗出街。」她表示還未想到送甚麼禮物給城城，問她是否仍在嬲城城沒給予她名份？她說：「咩呀？唔使喇。」她再三強調最近肯定不會到城城家。未來幾日Lynn 都有工作在身，提到城城生日沒有她陪，會否不完美？Lynn 說：「吓！咁佢有其他朋友陪㗎嘛。」
幫襯沈嘉偉
Lynn （左）和助手到男友城城好友沈嘉偉的I.T 掃貨，離開時滿面笑容。
問Lynn 會否考慮與城城同居，不用承受相思之苦，又可免卻麻煩？她顯得不知所措說：「吓！我仲係住喺自己過度，好緊張，你哋問嘅問題我都冇諗過，總之暫時都唔會去（城城家），費事俾人寫。」問Lynn 是否要等城城通知才可再到他家？她說：「咁又唔使。」再見面會否怕城城經理人小美不滿，她說：「冇，我都唔識佢。」
完騷後Lynn 和女助手及女友人往shopping ，她見到記者時笑問：「你哋唔係跟我？」接著到新港中心的I.T 時裝店，細賞首飾。6時許Lynn 離開I.T ，助手幫她拿著多袋戰利品。男友郭富城是I.T 老闆沈嘉偉的老友，不知Lynn 可有特別優惠？
此外，城城12月13、14日在台北小巨蛋舉行「舞林正傳演唱會」，主辦單位負責人邱王黎寬被問到熊黛林會不會跟來捧場？她說：「神經啊！不會啦！」
採訪：顏英儀、娛樂突發組
攝影：林德雄、陳俊強、娛樂突發組
Lynn 前晚性感谷胸，事先張揚不會上門為城城賀壽。
