上星期一（13日），孟瑤、JJ （賈曉晨）同動漫Maggie （李曼筠）臨近哈囉喂齊齊去沙灘打「沙灘南瓜排球」宣傳王晶套新片《有隻殭屍暗戀你》。點解去沙灘宣傳殭屍片？大家心中有數啦，孟瑤都係咁諗，所以上齊架生比堅尼同其他女角搏命，點知同場嘅JJ 同Maggie 就笠件tee 出嚟。咁啱，沙灘隔籬有個地盤，免費喎，班地盤工人梗係擒晒上圍欄𥄫嘢啦，不過班地盤佬好睇又唔好口猛嗌：「嘩！乜咁肥嘅！」，搞到孟瑤苦del del 就住就住咁，「係公司叫我咁著，我本來著咗件T 恤響面，佢哋都叫我除咗佢。」
其實，FBI 唔會覺得地盤工友會特別鹹濕，肥美孟瑤響涼涼哋嘅天氣下著到咁，真係好難叫人唔覺肥膩。
嘩！咁肥嘅！
嘩！嘩！真實對白
睬你都傻
一山不能藏二虎，上圍同樣係34D 嘅孟瑤同動漫Maggie （前），打排球時完全零交流，偈都冇句傾。
孟瑤比堅尼一出，響旁邊做緊嘢嘅地盤工人即刻放低手頭上嘅工作擒高猛𥄫，有工人仲嗱埋相機拍低慢慢歎。唔想畀地盤男𥄫嘅孟瑤惟有用背脊「得」住佢哋。
