挑戰iPhone ？硬撼i908？抑或用嚟力拒G1？
好無奈！記得自年初於大型展覽會邂逅至今已9個月，當時只得隔住玻璃欣賞，或由專人機不離手示範，掂吓都唔得，好巴閉咩！可能就係佢耍矜貴，香港好多網友更發出非君不買宣言。
最新面市消息終於到了！據官方人士報料，X1將於本月27或28號喺香港舉行發佈會，而相隔數日行貨亦會正式派街！
有傳話索愛總部本來唔打算派貨畀香港，但後來又改口風，話派貨數量將少得可憐，僅幾百部！呢啲係宣傳策略定係事實？一概不知，但既然Fans 已等到望穿秋水，再過幾日，咪有機會試咋。
