要訓身又要露肉，真希自爆：「拍攝前冇諗過自己會咁大膽，好彩事務所嘅工作人員好支持，加上拍攝時氣氛好relax ，所以冇特別抗拒。」
喺日本，《花樣少年少女》的堀北真希曾經係天真同純品嘅代名詞；今日20歲大個女，佢即刻豁出去。
最近推出新寫真《S 》嘅真希，講到明要將自己真實同最靚一面示人。唔理阿媽反對，唔戴bra 大開中門造型照玩，仲露出大大個背脊扮裸體。
純女忽然反叛，一眾仔仔fans 即刻扲荷包捧場，難怪寫真集一出即大賣8萬本成寫真銷量榜no.1，加上近期又有3套劇同期出街，呢期最紅。
首次破格行性感硬銷女人味的真希，雖然新寫真《S 》大賣8萬本，推出一週銷量已超越新𡃁界女神佐佐木希本處女寫真集《Nozomi 》，但拍攝前卻遇到唔少阻滯。
阿爸嬲爆
據稱一向對真希管教甚嚴的真希媽，為免身為長女的她，搞到兩個細妹有樣學樣，事前已落order 禁止阿女賣肉，點知真希恃住自己大個女，竟逆阿媽意，最近她於訪問中解釋：「20歲係有自主權，我可以決定自己想做嘅事，今次寫真嘅賣點只係性感唔係色情，我只不過想展示自己最靚最自然一面，有乜唔妥！」老豆亦嬲埋一份，有說最近真希將本新寫真帶返屋企畀真希爸睇，點知真希爸黑面一手將本寫真掟開，搞到真希好冇癮。
愈整愈誇
寫真中真希個樣就靚爆鏡，最近就有一個曾跟她合作過的化妝師爆料，指她出道6年已做過隆鼻、割雙眼皮同打botox 瘦面手術，還每年定期去執兩次，該化妝師還強調真希整容整到上晒癮，擔心她會好似Michael Jackson 咁有面癱嘅下場。
玩中性
於上年《花樣少年少女》演女扮男裝嘅瑞稀角色食糊，於寫真中真希再添食，喺西裝打條呔玩中性，唔性感，但就好有型。
開中門
金髮中性look ，配埋件中門大開嘅西裝褸，形象好大膽，但上圍只得31A 嘅真希，冇坑冇罅，另類性感，好心香港嘅何韻詩參巧吓人咪咁悶啦！
露肉背露完前就露後，喺上露背裝展示白滑肉背加埋裝出個高潮樣，心口冇肉就露背脊，醒目！
《Innocent Love 》
《Innocent Love 》中，真希飾演一名父母被殺，仲要同窮到
嘅鋼琴師（北川悠仁飾）苦戀，成日要「苦del del 」，佢話喊到眼腫好慘。
《欺詐獵人》
於《欺》片中，真希明知山下智久係騙徒，但情不自禁暗戀佢，最後仲夾計一齊同竹中直人飾演嘅老千王對抗。
呢期最紅
除咗寫真集，真希喺10月份就有3套劇包括《花樣少年少女特別版》、古裝劇《篤姬》及富士電視台重頭劇《Innocent Love 》同期出街，加上孖住山下智久合演嘅電影《欺詐獵人》亦於月尾在港上映，真係紅到爆燈。
16歲︰天真妹
處女寫真集《堀北進化論》中，真希喺包到上頸T-shirt sell 純情，當時佢個樣仲好天真。
18歲︰喺埋褸
兩年後，真希出第三本寫真《Castella 》，唔露不特止，仲要喺長袖褸
到實，慌死俾人睇蝕。
19歲︰露少少
上年就以中性打扮，喺住男裝背心，幫男性成人雜誌《Weekly Playboy 》影靚相，踏出性感第一步。
逐件剝
出道6年拍過5本寫真集，以前真希只sell 清純唔肯露，不過上年已逐漸解放，開始走性感路線。
