真iPod nano 4G 售價：$1,000（4GB ）$1,150（8GB ）、$1,550（16GB ）
開估，黑色嗰部係假嘅。真nano 個芒有2吋，假機只得1.8吋，明顯見到黑色部機個芒細嘅，但如果冇真機做對比，呢個破綻一嘅唔覺。
今期最鬼嘅gadget ，係假嘅iPod nano 4G ！先考考大家，呢張相一字排開9部nano ，其中一部係假，估吓係邊部？答案請睇caption 。
假iPod 以前都有大把，但呢部假nano 係有史以來整得最似嘅！唔只似，仲要快，Steve Jobs 喺9月9日先show 呢代nano 個樣畀人睇，點知唔夠兩個禮拜就全大陸都係老翻，最近仲殺埋落嚟香港，滲透快過三聚氰胺奶，陰人程度勁過迷你債券，真係睇漏眼都會買錯假機。
平到$780，你話就算假機都抵？錯晒！呢啲4GB 嚟咋，成本唔使$300，你買咗一樣畀人賺足$480。
nano 4G 最大賣點係9彩顏色，假機一樣有齊，不過真機機殼睇落啞色嘅，相中呢啲假機機殼就比較令身。
印埋Apple logo今次呢部假nano 4G 無論造型、size 、按鈕，全部都整到同真機有9成9似。最賤係連個包裝盒同招紙都係複製真貨而成，分4、8、16GB 3款，上面印滿晒Apple logo 同「iPod nano 」字樣，一盒咁嘅假機擺喺鋪頭度賣，唔好話師奶阿叔自由行，就連香港班後生仔都好難睇得出係假！
假貨學足真貨用呢隻透明膠盒裝住部機，側面嘅招紙都印咗一模一樣嘅iPod nano logo ，完全呃到人。
盒入面連仿製嘅說明書都有，但係印工粗劣咗嘅，而且圖案畫嘅nano 仲係第2代（橫度細芒），穿崩！
耳筒同USB cable 都似足原裝貨，仲特登學埋真機咁樣用扁身cable 插頭，唔再係以前嘅假機咁用mini USB 頭，所以話歷來像真度最高係今次部假nano 。
賣假機賺1倍既然像真度咁高，嘅奸商梗唔會再當普通大陸MP3機咁百零2百蚊賣畀客，直頭會當正真機咁賣。一部8GB 嘅假nano 4G ，運到落香港嘅成本價頂多係$500，但係真貨定價要$1,150，奸商就將假機賣$980，嘅客見到以為係真機，實覺得抵啦，啦啦臨傍水，咁就瀨嘢啦！但奸商就有成$480落袋，真機賣10部都賺唔到咁多呀！
點識破假機？假機點似都好，包裝同機身都總有幾個細微破綻位，仔細認清楚都分到真假。而且介面冇可能抄足埋，一喺機就穿煲，記住開機試完先好買。
真貨盒底張招紙會列明部機係幾多GB 同埋咩色，嘅字又深色好多。
假機機底招紙嘅字好淺色，又求其印個iPod 就算，冇列明容量同顏色。
包裝睇清張招紙
無論部機咩色，真機頂部塊膠蓋都係白色，而粒hold 掣係銀色嘅。
假機塊膠頂蓋同粒掣都偷工減料用番機身顏色，而且粒掣變咗開關掣。
機身認住開機掣
真機機背下方同樣有印住部機係幾多GB 。
假機冇印GB 數，但就多手喺機底插孔附近印咗「USB 」同耳筒圖案，頂部開關掣附近亦印多咗「OFF/ON 」字樣。
機背亂印一餐
真機個介面梗係靚啦，無論menu 定播歌嗰陣都有唱片封套顯示。
假機雖然開機時夾硬加個Apple logo 落去，但之後就出現番大陸MP3機嘅核突介面。
介面真機靚好多
其實奸商曾經喺之前嘅假肥仔nano 加入過click wheel ，但佢哋覺得成本貴咗唔值做，所以冇將click wheel 移植去呢代假機。
假機過關會被拉假機雖然有收音機、錄音等大陸MP3機必有而iPod 冇嘅功能，而且音色同真機分別唔大。但nano 4G 新增咗motion sensor ，可以玩體感game 同fing 機轉歌，仲有iPod 招牌嘅click wheel ，呢啲功能假機都係冇嘅，所以買假機平少少都冇乜喺數。而且你唔好諗住自己走上大陸買假機喎，過關嗰陣隨時俾人拉攜帶侵犯版權物品出境㗎！
nano4G 8GB 版假機賣人民幣$1,050，兌番港紙仲貴過真機（$1,150），買咗都唔知去邊搵個賣家賠啦！
呢個假機賣家喪到話自己係香港Apple 嘅分銷商，仲話嘅機有官方1年保養，真係有人信咗嗱啲假機去維修就笑爆啦！
網上假機仲狼死大陸淘寶網一早有大堆假nano 賣緊，好多賣家求其post 張官網圖片就呃人話自己係賣真機，開價只係平定價幾十蚊，兌番人仔可能仲貴過幫襯Apple ，呃人呃得狼過香港嘅奸商，完全當人係羊牯。網上假機當道，買nano 千祈唔好上網買呀！
