KFC 油麻地分店就嚟開張，所以喺旺角分店「行」枱仔請大量兼職，有興趣嘅朋友經開旺角就要去睇吓。
雖然市道低迷，講到食就冇得慳，一日3餐出街食大有人在，所以坊間有唔少快餐店仲要開分店請人。上星期我發錢韓行過旺角行人專用區，見到KFC 分店門前「行」咗張枱仔話要請人，仲會即場為應徵者登記並安排面試。原來油麻地現時點附近嘅分店即將喺年底前開張大吉，需要請顧客店務員、廚房服務員、大堂服務員及服務大使等約30個員工。
KFC 發言人譚小姐話：「喺旺角鋪門口請人，貪呢度夠旺，希望吸引多嘅人注意。我哋暫時只係請兼職，只需中三學歷、經驗不拘，時薪由$20起，油麻地分店營業時間由上午7點至凌晨1點，應徵者可以同我哋商量喺邊段時間開工。」做兼職每個月可以搵到約2、3千蚊，好岩冇乜學歷嘅朋友仔去做，當係儲吓工作經驗、幫補吓生活費都好。譚小姐仲話做兼職店務員、服務大使等表現好又累積超過半年以上經驗，有機會晉升至店鋪主任，到時月薪可以有6、7千蚊。而家登記嘅枱仔未定「拆枱」日期，有興趣嘅朋友可以去旺角行人專用區睇吓啦！
查詢電話：62029981
