明年是周慧敏入行二十周年，亦是她跟倪震相識二十年紀念，意義重大。（《忽然1周》圖片）
隨喺今年六月陳慧琳演唱會結束，紅館正式休館裝修，待明年東亞運動會過後，四月才重開舉行演唱會，雖然如此，一班歌手現已為來年的紅館檔期爭崩頭，已經入紙申請的歌手有左麟右李、許冠傑、古巨基、鄭秀文、謝安琪等，就連○六年在紅館舉行了三場復出慈善演唱會的周慧敏（Vivian ），亦加入搶期陣！理由：明年是周慧敏入行二十周年，為慶祝這個大日子，她決定再唱。
○六年五月廿五日，Vivian 復出舉行演唱會，適值是倪匡生日，Vivian 在台上向觀眾席的倪匡祝壽。
二十周年○六年五月，周慧敏復出舉行了三場慈善演唱會，將百萬歌酬全數捐到「香港非牟利獸醫診所」，為貓狗服務。
明年紅館裝修完成重開，Vivian 計劃再下一城，在五月舉行三場演唱會。
「出年係大V 入行二十周年，佢覺得好有意義，所以決定再開演唱會，同歌迷歡聚；雖然好多歌手為咗喺新裝修嘅紅館演出爭崩頭，不過大V 向來不問世事，佢連紅館閉館都唔知，根本唔關事！
「演唱會日期岩岩先落實，未開production meeting ，好多細節都未傾，不過，大V 愛心爆棚，應該都會同慈善有關，佢亦希望今次演唱會同上次有唔同，所以會揀幾首人哋嘅歌嚟唱！」知情者說。
上次復出演唱會，尾場時倪震扮貓上台
女友，製造高潮。「阿Joe （倪震）同大V 講話今次唔會上台！不過，佢份人鍾意玩驚喜，可能會突然有動作，估佢唔到！」
金融海嘯令不少藝人身家大縮水，但多年來主張揸現金的Vivian 則未被波及。
選擇性工作的周慧敏，今年便以二百萬接拍光纖塑身廣告。
復出個唱尾場，倪震粒聲唔出，扮貓上台氹得Vivian 熱淚盈眶。
○五年倪匡與太太由美國返港被追訪，倪匡不單無發惡，更上埋記者採訪車傾偈。
Vivian 受倪震感染愛打桌球，更越打越沉迷，兩人○七年便結伴到伊館看歐亞桌球大賽。（《忽然1周》圖片）
穩陣派有圈中小富婆之稱的周慧敏無經濟壓力，復出後亦以拍廣告為主，選擇性工作，將大部分時間留給倪震。
「阿Joe 知我一做嘢就會好緊張，成日叫我輕鬆嘅，其實我同阿Joe 性格好相似，大家都唔係崇尚物質，對生活條件唔太講究，好似食嘢鍾意食茶餐廳、街邊小食，所以加拿大嗰邊嘅生活，唔係咁適合我哋！」Vivian 說。
對於男友，Vivian 絕對投信任票，有關倪震的花邊新聞，Vivian 都一笑置之。
「我好明白娛樂圈嘅新聞手法，做得呢行亦預咗俾人寫，唔會俾外界影響到我哋，我好珍惜呢段感情，我覺得阿Joe 爹哋倪匡仲犀利，佢EQ 好高，俾人跟
，仲上埋人哋採訪車傾偈添！」Vivian 果然係好新抱，撐男友的同時，不忘讚埋老爺，識做！
左麟右李
許冠傑
鄭秀文
搶頭啖湯紅館已經閉館裝修四個月，要到明年一月才會重開，重開後會先舉行東亞運動會，到四月才讓歌手開演唱會，不過一眾歌手已為裝修後紅館第一檔期爭崩頭。
四月 左麟右李、古巨基、草蜢
五月 謝安琪、周慧敏、蘇芮
七月 許志安、黎明
八月 張信哲、許冠傑
九月 鄭秀文
十月 何韻詩
十一月 楊千嬅
