遲到黑面扮大牌　Janice Man 封囂爆女神

我係咁㗎喇！（設計對白）（《忽然1周》圖片）
有𡃁界女神之稱的Janice Man （文詠珊），出道唔夠兩年，今年由model 界殺入電影圈，在《愛鬥大》及《內衣少女》擔正。人紅變臉，Janice Man 經常在好姊妹Angelababy 面前扮勁，搞到反晒面，近日更遭對方狂數她口臭。
以為升上阿姐級的Janice Man ，接job 要求多多，拒同「奀星」同場，嚇怕廣告商之外，近日拍攝新戲《三角錯》，Janice Man 因態度差，被封囂爆女神！

有傳Janice Man 拍《內衣少女》時，向傳媒放風被Stephy 恰，令對方形象進一步插水，自己乘機上位。

人紅生驕，Janice Man 出騷時因嫌同場嘉賓唔夠班而經常擺款，令唔少廣告商嫌佢麻煩而唔再合作。（《Face 》圖片）
踩Stephy 上位自火速上位後，Janice Man 態度一百八十度轉變，加上連接在三部電影中擔正女角，當正自己係阿姐的她，態度囂張，在好姐妹Angelababy 面前晒命話自己多戲拍，好快爬Stephy （鄧麗欣）頭！
「佢（Janice Man ）覺得自己好勁，周圍同人講大把人搵佢行騷同拍戲，Angelababy 無戲拍，所以喺Baby 面前咪扮晒嘢囉，兩個面和心不和㗎。仲有，佢為咗上位不停放料，之前同Stephy 拍《內衣少女》，同人講自己俾人蝦，都係想踩住Stephy 上！」知情者說。
在電影中要戴住假髮扮賣魚妹的Janice Man ，嫌自己短髮look 唔靚在片場經常黑面，態度囂爆的她遲到兼時常NG ，惹來幕後人員不滿。



兩位𡃁界女神Janice Man 同Angelababy 以往經常拍住幫雜誌做model ，但Janice Man 上位後即擺晒阿姐款，好姊妹如今已無偈傾。
姐妹反目得就噏的Janice Man ，今年六月話四川地震係上天的懲罰，結果遭狂插無腦，其後她又衰多口，爆本來有機會頂替阿嬌（鍾欣桐）拍《武俠梁祝》的Angelababy 臨時脫腳，令被她唱衰的Baby 極之尷尬，二人最終反面收場。
此外，自以為紅透的Janice Man 接job 要揀對手，分量唔夠唔肯同場，令廣告商卻步，寧願搵同樣係𡃁界女神的Angelababy ，以及平靚正的36D 趙碩之，以免麻煩。近日她拍攝新戲《三角錯》時，亦因為態度惡劣，遲到兼黑面，搞到神憎鬼厭，被封囂爆女神。
姣功了得的Janice Man 一到長洲即黐實導演彭順，笑瞇瞇陪對方食早餐；電影另一女主角江若琳則買外賣同工作人員坐埋一邊食。

導演彭順


姣導演早排Janice Man 與戲中另一女主角江若琳同在長洲為新戲拍外景，對住工作人員木無表情，但對住導演彭順，Janice Man 就完全兩個樣，落船見到彭順在碼頭附近食早餐，即撇甩其他演員，一支箭衝埋去笑瞇瞇姣對方。
據知，在戲中扮賣魚妹的Janice Man 原本要剪短頭髮配合劇情，但為保女神形象，她堅持唔剪，最終要假髮上陣。她又成功向導演詐嬌話自己怕魚腥味，最終掂彭順將魚戲減剩一場。
「佢（Janice Man ）成日NG ，但對住嘅新人就教人做戲，對住工作人員黑面，見到導演就嗲精上身；好似佢個角色係做賣魚妹，原本有四、五場戲要喺街市魚，不過佢同導演講自己怕腥味又未過魚，所以最後cut 剩一場，總之因為導演佢，所以即使佢遲到態度又差，都無人夠膽出聲。」幕後工作人員說。