雖然好多人都話女人最緊要嫁到個有錢老公，就食飽無憂米，之不過我FBI 成日都覺得幸福非必然，遇上意外，我哋都要諗吓點面對。
好似海域集團前主席葉劍波個老婆傅明憲咁，老公因涉嫌詐騙被捕仲
緊，落難闊太唔單只要賣咗住開嘅豪宅「富豪海灣」，FBI 仲聽聞佢要靠出席名牌活動搵食。
不過二五同FBI 講，傅明憲開價都幾狼，早排有間市場推廣公司想幫手袋品牌「Plus IT 」搵葉太出席，點知佢一開價就5萬，同TVB 「金蛋」廖碧兒睇齊，人哋梗係睬你都傻名正言順搵廖碧兒好過啦。
該公關仲同FBI 講：「傅明憲開價5萬，係出席event 兼影一輯宣傳相；佢另外仲要收5千，係畀佢用嚟請化妝師同髮型師嘅。不過後來傾唔成唔係因為貴，反而係個客覺得降低咗個宣傳效果，咪唔搵佢囉。」個朵壞咗，真係喊唔番㗎！
暗示回復單身叫人稱呼番佢做「傅小姐」嘅傅明憲最近密密出動，今個月2號佢又喺到鬼火咁靚去富豪酒店派對，公關趙式之仲「mark 」實佢。GiGi 否認等錢使，「我出騷只係為慈善同幫朋友，經濟完全冇問題。」
「Plus IT 」最後情願換廖碧兒都唔要葉太。梗係啦，碧兒話晒都係TVB 一線姐仔，同樣價錢簡直唔使考慮啦！
