周董飛甩曾愷玹

周董星期日喺台灣西門町搞簽唱會，有成5千人捧場，香港歌手都有咁嘅排場應該還神。
靜咗一排嘅周董周杰倫又出新碟，《魔杰座》訂貨單有成9萬張，邊個夠佢勁！FBI 仲收到風，周董會乘住個勢，下年頭拍《不能說的．秘密》續集。
但係今次佢決定飛起上集女主角曾愷玹同桂綸鎂喎，唔係，論人氣同新聞性夠晒爆燈都飛？咁搵邊個做先？唔通係林青霞？

發福面　簽唱會當日見周董發福咗唔少，仲有個包包面，唔通驚曾愷玹太瘦唔襯佢？

上一集《不能說的．秘密》捧紅咗曾愷玹，續集冇佢份，FBI 都有嘅失望。
撰文：FBI