高人在10月15日提議既五隻股,唔好理中間跌過幾低,家陣都叫有一隻回左家鄉了,唔需要咁快就信心盡失.
# -15/10:昨收(變化)
=========================
386-5.23:5.15(-2.5%)
902-4.80:5.19(+8.1%)
194-5.04:2.91(-42.2%)
1174-0.50:0.435(-13%)
707-0.15:0.13(-13.3%)-無睇開,唔知人佢係咪15-17停左牌無數據,用20號低位計,減低損失)
由於1174同797講明高風險,為免拖低成績,就當大家唔會跟吧.只睇386,902及194.
假設三隻買同等既數,夾埋都只係平均-12.1%.
而恆指在15/10既15230反覆上落至昨日的13888,亦出現-8.8%,高人既平均價-12.1%都只係略為跑輸大市.
當然,如果大家知道你講三隻中只係要入一隻902,咁就賺哂喇.或者唔計最傷既194(買左既人自己唔好彩,唔關高人事),平均有3%利潤.
或者高人指既,係其他人既信心改變?
市場日日在變,改變睇法唔代表失信心.
唔通只係話hsi 一定會升番上去,唔睇時限既,信就叫有信心?
咁HSI 會上50000點應該都只係遲早既事,點解二萬幾既時候又要放貨呢?
唔通,高人個post 再次浮現,係想提醒大家,怕大家唔記得"歸功"高人?
高人一時叫大家珍重,一時開個post 講下自己有錢賺,一時又話唔再講,一時又搵番呢個舊post 出黎,真係成個細路仔咁既?
高人一向識認post 去推既,選得呢個post,應該有原因吧.唔會只係想講,所推介既三隻股只係略為跑輸大市吧.
或者高人想講,10月28日恆指底位叫左人入貨吧,不過,由10月15日至10月28日之間,高人都有話過已見底.
真係要對你好有信心,至會不斷信落去.否則,點知會唔會穿完10000,到8000點又話見底.其實成日話見底,總有一日會中,唔需要乜野運氣或者技術.(坦白講,次次都無講原因,比人感覺似係搏大霧多d)
反彈之後,13xxx -14xxx 之間亦不斷話會升上去,結果都係先插後回.
由於次次一彈就急急見"歸功",好易令人當成係玩緊即市.但係高人大部份時間叫完見底都係先插,當左即市真係死得人多.
我都明白高人手上可能有唔少貨,見連插幾日,終於等到反彈既興奮心情.不過,太過著跡既"歸功"手法(仲要係之前好多都未番家鄉),實在好易令人誤會.
幾時都話會升,事後至講邊次邊次唔需要出手既,咁樣既"歸功",真係只有高人.
都係同之前咁講,如果一開始預左會再插然後再摸底溝貨既,或者講明一個時限,講清楚大家就唔會比人誤會喇.
再唔係就直接講埋乜野價位出左邊隻,咁大家咪即時知道係咪真係叫人出手既post 囉.
(人又老左一日,又係咁長氣添,今次我算講我白了,希望高人明白......又或者高人想講乜野,不過直接d喇,無謂捉錯路,誤會左高人.....)
[ 本帖最後由 Super169 於 2008-11-29 16:58 編輯 ]
