「高」胸「低」價　陳喬恩硬搶林志玲飯碗

依家響無線劇集台播緊嘅《命中注定我愛你》係台灣收視最高嘅劇集，而憑《命》爆紅嘅女主角陳喬恩最近更將一向林志玲代言開嘅「網上遊戲」搶走。其實以林志玲響台灣地位，冇理由會輸俾陳喬恩？

不過，媽咪姐聽台灣記者朋友爆料，話陳喬恩今次搶到呢個廣告，因為陳嘅經理人跟遊戲出版公司老闆熟絡之外，更以「低」價2百萬台幣（約港幣50萬）撬走林志玲（廣告價4百萬台幣）飯碗。
陳不單搶廣告，更抄埋林之前嘅廣告造型，將32D 嘅胸「谷」到上下巴咁滯。記者朋友話行內人認為陳喬恩廣告冇新意。媽咪姐就認為，啲廣告來來去去都係差唔多，理鬼新意唔新意，最緊要係有錢收啫。大家話係唔係？
               

陳喬恩

陳喬恩廣告造型與林志玲之前嘅造型（上圖）極為相似，同樣大賣性感。