胡定欣頭耷耷　掃平價面膜

計數就話負負得正，但響娛樂圈嚟講，呢條方程式就絕對唔work 。好似胡定欣咁，早幾年黐實吳浩康，一啲運仔都冇得行。但甩拖之後，故定欣嘅星運就穩步上揚。近期佢響《搜神傳》入邊飾演莫邪，套劇收得，連帶佢都多咗人留意。

早幾晚，媽咪姐響銅鑼灣撞到佢一個人shopping 。素顏嘅佢，仍然有唔少人認得，本應係好事啦，但係佢就一味頭耷耷避途人目光。原來佢響莎莎掃$149蚊3盒共30塊嘅平價面膜。可能因為咁就怕俾人認出囉。
其實，只要夠信心，買平貨又點？唔係個個都咁白鴿眼㗎。


難得人氣漸升，但胡定欣就怕俾人認出，連過馬路都頭耷耷。

後來胡定欣發現有記者，竟不顧危險衝出馬路中心截停的士上車走人。

胡定欣響莎莎買咗3盒面膜，$149蚊30塊，有排敷。

胡定欣響《搜神傳》中演莫邪，角色出位，知名度漸增。