所謂一山不能藏二虎。
界兩位女神Angelababy （楊穎）同Janice Man （文詠珊），上年以孖妹姿態拍住搵食成功跑出，但踏入08年卻忽然各自為政。
據知，自從Janice Man 今年6月爆響口，爆Baby 頂替天真嬌拍《武俠梁祝》卻臨時脫腳，激嬲一向對工作極為口密的Baby 。再加上Baby 的經理人Kim 一心塑造Baby 做紅模，形象MK 接job 爛做的Janice Man 怕且會阻住Baby 升格，Baby 長期洗腦，好姊妹即時反枱。
冇咗好姊妹喺身邊，Baby 情願搵經營髮型屋的「有米」女fans 及男友陳偉霆（William ）傍實，都唔搵Janice Man ，多年友情凍過水。
AngelaBaby 同Janice Man 出道唔夠2年，騷價齊齊由幾舊水暴升至2至3萬，呢對好姊妹原本好地地孖住搵食，但最近卻傳出二人不和擘面，更已不瞅睬3個月。
19歲的Angelababy 早前推出的寫真《Love Angelababy 》大賣，工作接踵而來，仲有幾部電影傾緊，不過佢一啲都唔心急上位：「公司會揀適合我嘅角色畀我做。」絕對唔係爛接job 㗎！
此情不再
成日俾人認錯、十足孖妹嘅Angelababy 同Janice Man 07年迅速彈起，由幾百蚊一個model job 跳至現時2至3萬一個騷嘅人氣
模。但由於成日俾人話冇腦嘅Janice 衰大口，二人已經冇friend 做。
衰大口
據了解，二人關係急轉彎，全因今年6月有傳聞話Angelababy 將取代淫照嬌接拍《武俠梁祝》，當時有記者就問Janice Man 知唔知老友Angelababy 執到支好籌做女主角？唔知Janice Man 係咪心直口爽，竟然爆老友脫腳，「係咩？聽佢講好似冇得拍喎。」
此話一出，即令口密慣嘅Baby 個心唔多舒服，Baby 的經理人Kim 亦為此火起。據Baby 的密友透露：「Kim 同Baby 一向唔鍾意人爆佢哋啲嘢，加上Janice Man 仲要篤爆Baby 拍唔成戲，梗嬲啦！」
跟好姊妹鬧不和亦不愁寂寞。上週五（3日），Baby 收工之後，柴娃娃的不再是Janice Man ，而是跟她同愛㗎妹打扮、亦係佢fans 的Mikami Salon 老闆娘Mikoco 去銅鑼灣買鞋。二人全程繑晒手十足當日同Janice Man 孖妹行。據知二人更幾乎日日見面。
翌日下午唔使開工，Baby 亦孖住男友陳偉霆（William ）離開他位於九龍塘寓所去又一城買外賣，然後雙雙返回William 屋企。連日活動都唔預Janice Man 。上週五（3日）Baby 出席太古城活動時，亦承認已好耐冇見Janice 。
F ：《FACE 》 A ：Angelababy
F ：係咪好耐冇見過Janice 呀？
A ：係呀，因為大家都好忙。
F ：幾多個月冇見？
A ：耐到我都唔記得喇……
F ：係咪公司唔鍾意你哋來往？
A ：唔係……（口窒窒）我知佢最近忙緊拍戲（其實一星期前已拍完彭順執導《三角錯》）……你問番我公司啦。
F ：佢拍緊咩戲呀？
A ：唔……（隨即被助手拉走）
合作斷尾
兩位女神擘面，在工作上亦有跡可尋。二人早前合作設計的本地
牌「Choice 」至今仍未有秋冬系列推出，記者到Choice 的旺角分店查詢，售貨員話：「暫時未有新貨喎，最近亦唔見Baby 同Janice 落鋪。」
繼二人早前簽下的2％廣告於今年6月滿約後，Baby 同Janice 一齊出騷的機會少之又少，就連Janice 早前新戲《愛鬥大》及《內衣少女》的首映都未見Baby 撐場。
上週六（4日）Janice 著上一身lace 透視裝出席活動，她亦承認同Baby 好耐冇見，不過就猛說因為自己忙：「我之前忙拍彭順套《三角錯》，連訓覺時間都唔夠。唔只Baby ，就連男友、父母都冇時間見啦，都好正常啫。」
拍完戲都唔約好姊妹見面，有幾friend 真係盡在不言中。
推濕模job
據知情者透露，由於Angelababy 的經理人Kim 想推Baby 上更高層次，所以佢唔鍾意Baby 同其他「
模」來往，千叮萬囑Baby 要聽話，唔好黐實Janice Man ，而視Kim 為大恩人的Baby 亦只得聽晒經理人話。「接job 前，佢（Angelababy ）公司都會問得好詳細有咩人同場，話最好避開同級model 出騷，試過有次Chrissie （周秀娜）同場，佢經理人一聽到就推咗。」知情者說。
老闆大晒
Baby 在blog 曾公開話阿Kim 係佢工作上大恩人，對佢又敬又畏。Baby 早前推出《Love Angelababy 》寫真首頁，已經放咗佢同阿Kim 合照。本週一記者致電阿Kim 問及是否飭令Baby 唔准見Janice ，佢就話：「我唔會回應呢啲嘢㗎！」
抬高身價
經理人為咗打造Baby 高貴形象，同場出show 的嘉賓或model 要有一定分量才接。好似今年5月就拍住傅穎去名牌Rebecca Taylor 開幕禮，同場一個「
模」都冇。
爛做頂市
大細商場騷都通接，出名爛做的Janice ，曾經話過：「有錢要搏命搵。」即使要cosplay 扮相《天龍八部》online game 代言人，佢都照殺，跟揀擇Baby 差好遠。
生疏少女
打扮似到十足的Janice 同Angelababy 以前經常孖公仔行街街，但反面後，Baby 身邊已換上潮女髮型屋Mikami 老闆Mikoco （郭碧棋）同男友William （陳偉霆），再唔見孖妹出巡喇。
07年10月 孖妹出巡
上年年尾，本刊記者仍見兩位「
界女神」經常出雙入對，連去扭蛋都孖住笑得咁開心。
08年10月 繑新姊妹
上週五，Baby 孖住Mikoco 行銅鑼灣，Mikoco 亦係用Janice 同Baby 做生招牌的Mikami Salon 老闆。該Salon 位於銅鑼灣駱克道樓上鋪，剪個頭約需300元。據知Mikoco 跟Baby 識咗6年，Baby 嘅寫真集《Love Angelababy 》頁內除了話同Janice Man （紅圈）友好，亦都有提到Mikoco （黃圈）。而Mikoco 負責攝影及替Baby 做形象，非常賣力。
08年10月 箍住男友
冇咗孖妹老友，Baby 不愁寂寞有男友William 護花。上週六（4日）滂沱大雨下，William 充當司機駕駛約60萬寶馬X5接送Baby 去又一城Delifrance 買外賣。
連環踩
Janice Man 同Angelababy 一度係好姊妹，可惜傳聞會考只得2分的Janice 連環失言得罪姊妹，搞到二人最終反枱。
08年8月 抄bob 頭
08年6月 爆脫腳
08年3月 揭煙鏟
Blog 洩︰斷交三月
Angelababy 同Janice Man 去年年尾至今年初仲係糖黐豆，二人都在其blog 上大晒老友親熱相，但隨著今年中反枱，最近3個月再見唔到孖妹親密合照。
1.啜爆老友
Baby同Janice 於上年12月及今年3月friend 到飛起，大家分別都放了二人互相出席對方生日party 的咀嘴相，仲親暱到互叫對方做「Baby 」。Angelababy 當時稱呼Janice 做：「是我最好的j baby ！」（右圖）
2.生疏孖妹
Janice同Angelababy 仍然有放對方的合照，不過只限於工作相。Baby blog 放的是同Janice 行Moussy 的騷相，而Janice blog 中放的相（左圖），是二人為合作設計便服品牌Choice 影硬照，被Janice 攬實的Baby 更扁嘴冇表情。
3.各有各玩
二人的blog 已唔見孖妹相，就連Janice 最新一篇（8月11日）的日記內（左圖），感激好朋友去《內衣少女》首映撐場，亦不見Baby 捧場。8月Baby 去日本玩時，同樣唔見Janice 蹤影，身邊已換咗salon 老闆Mikoco （右圖左）。
真無知
上星期五（3日）Baby 單拖密實出騷，一提起Janice Man ，Baby 即刻面有難色。問到佢係唔係因為經理人唔鍾意佢同Janice 來往，佢即刻碌大眼話，「你問番我公司啦！」
扮無辜
上週六（4日），搏慣的Janice 著住lace 透視衫為「土司工坊」做開幕嘉賓，同場仲有胡杏兒。當佢一聽到記者話佢同Baby 不和，即皺晒眉頭死撐：「我哋冇嘢，唔會影響感情。」
圖片：《Love Angelababy 》寫真集
合作斷尾
Baby 和Janice 最後一次孖住搵錢係今年5月尾為「2%」再行騷。不過「2%」合約6月啱啱完咗，相信要見到兩位女神同場都有難度。《忽然1周》圖片
除咗modeling 工作，2位女神喺舊年仲齊齊替本地品牌Choice 設計cap 帽同tee ，每件tee 售價約$380。Choice 於旺角潮流特區的「Dream 」有售。店鋪負責人說至今仍未收到二人設計的秋冬系列新貨。《ME!》圖片
