生果日報由賭王千金何超瓊（Pansy ）一手成立的天機公關昨日舉行20周年紀念酒會，賭王父親何鴻燊在場講爛gag 大讚女兒。Pansy 更展示縱橫ball 場20年的戰衣，其中一襲是她與已故老友陳百強合照的晚裝，令她感觸快樂時光飛逝。
由賭王千金何超瓊、榮文蔚和表妹鄭詩韻組成的天機公關昨晚在中環置地舉行20周年慶祝酒會，城中富豪名人紛紛到場恭賀，當中包括超瓊的賭王父親何鴻燊、鄭裕彤、霍震霆、成龍、潘楚穎和傅明憲等。
大會展覽Pansy 過去20年的ball 場戰衣，當中一件（箭嘴示）曾與已故好友陳百強合照時穿過。
賭王何鴻燊（右三）用爛gag 硬銷女兒的公關公司，鄭裕彤（右二）也有來到賀。
「個女又靚又溫和」
賭王何鴻燊與四姨太梁安琪結伴賀女兒慶典。
賭王與四姨太梁安琪一早到場，祝酒時他更講爛gag ，他說：「呢個公司係我個女第一間開嘅公司，而家已經20年，我自己都查吓字典Occasions （天機的英文名）點解，第一解好機會，good occasions ；第二解慶典，有乜慶典好介紹，都好唔過幫襯Occasions ，佢哋20周年，有番咁上下，搵三個靚女，三個『立』晒，又嗲又識死
，你哋冇得推。今日重陽搞活動，阿水都唔會幫襯，所以佢哋識計岩數，祝佢哋生意蒸蒸日上，虎虎生威有味道，其實我個女又靚又溫和，都唔似老虎。」
Pansy 更首度展出20年來的ball 場戰衣，她說：「為咗呢件事，我睇番好多舊相，好多開心片段，感觸快樂時間過得好快，要好好珍惜，其中有一件衫好有意義，係我一個好朋友未過身前同佢影過合照，就係陳百強。」
一向視天機為BB 的Pansy 也感觸良多，她說：「我由始至終都係認真，間公司開設初時，好多人都以為我哋當係興趣，之後又要拓展間公司，我又開始入信德，要兩頭忙。」早前Pansy 透露金融海嘯令她身家蒸發七成，她說：「而家唔止，不過呢個係數字遊戲，我哋係有基礎，個市場會康復。」
採訪：Law Wai Man 、Jessica Ngan
攝影：Chan Shun Ching 、Dicky Chan
何超瓊與陳百強感情甚篤，對於好友離世多年不禁欷歔。
傅明憲單拖盛裝出席活動。
（左起）何超瓊、榮文蔚和鄭詩韻這個鐵三角昨晚出席公司20周年紀念酒會。
