如果你屋企有部闊銀幕大電視、加埋套喇叭組合，逢假日你都可能摺埋喺屋企煲藍光影碟，懶得去戲院。為咗吸引觀眾入戲院，新式戲院開完一間又一間，仲要間間唔同賣點，以吸引不同要求的觀眾入戲院睇戲。
記者：趙志雄
攝影：林柏鈞、伍慶泉、周旭文
The Grand
豪裝設震椅 由MCL 與邵氏合作的The Grand Cinema 座落於開幕才一年、名店林立的圓方商場，一副高消費的格調，平日七點幾場次票價$60。如果說去IFC 睇戲具有某種身份地位的象徵，去The Grand 睇戲就是個人品味的表現。戲院設有12個影室，戲院總經理楊勉恆表示：「The Grand 會播放荷李活大製作、商業片、文藝片和獨立電影等滿足不同口味的觀眾。」鎮院之寶可算是超體感座椅，椅內裝有震動器，當電影中發出人耳聽不到的超低音頻，座位便會震動，使觀眾感覺到聽不到的音效，又如大爆炸的場面使人感到身歷其境。座椅的頭墊可承托頭頸，坐得更舒服，但頭墊會阻礙接收來自兩旁及後方的聲效，所以頭墊部份採用穿透式氣孔物料，讓聲音穿透，令觀眾感受環繞聲效。要更奢華，這里還特設VIP 影院，里面除影室外，還有酒水間和豪華大廳，只須付上約四千元便可包場開派對（可揀戲，包汽水、爆榖）。
1.影室採用歌劇院式弧形設計，份外豪華。
2.VIP 影院共22座位，豪華梳化椅仲有遙控腳踏添。
3.鎮院之寶不但坐得舒適，仲會震。
4&5.VIP 影院特設的酒水間及豪華大堂。
5.
6.黃先生：「這里裝修豪華，震椅也很吸引，泊車又有優惠。」
德福MCL
東九龍發光寶石
上月剛開幕的MCL 德福戲院建築設計特別，絕對不是只有幾間「黑房」的戲院。戲院內外設計都以紅藍綠寶石為主題，底部像玻璃盒，內外一目了然。柱子呈現成三尖八角的寶石狀，表面是透色玻璃，入夜後會閃爍發光，好有氣氛。戲院頂部外牆採用Alucobond 變色物料，不同角度看會見到漸變色效果。院內紅藍綠三色分明，紅色小食部、藍色售票處、綠色電梯位，六個影院中紅藍綠各佔兩院。而以寶石為設計主題，據戲院推廣經理胡海韻解釋，係因為設計師希望戲院成為東九龍的新焦點。近年東九龍幾個新場都頗活躍，MCL 德福戲院位置方便，在九龍灣地標德福廣場側，戲院門前人氣一流，即使唔打算睇戲，逛完德福商舖後，入戲院歇一會都唔錯。另外，七點幾場次票價$50，也是MCL 德福的吸引之一。
7. 晚上戲院的燈光效果更加突顯寶石主題。
8. 這個影院的牆和椅都配合紅色主題。
9. 走廊用燈光營造幻影效果。
10. 鄭先生：「鍾意呢度環境幾好。」吳小姐：「戲院外形設計好獨特。」
IMAX
巨幕影院 IMAX發言人透露由去年7月至今年9月，megaBox 的IMAX 影院已有1,200萬票房收入和13萬入場人次，可見IMAX 具有相當吸引力。IMAX 的賣點是巨型銀幕和3D 數碼影像技術，當觀眾戴上立體眼鏡，便感到置身立體電影世界，經IMAX 技術拍攝的影像投射在巨幕上，清晰影像一覽無遺。七點幾場次$90，稍貴，但影像靚希望值回票價吧。另外，《變形金剛2》和《哈利波利6》的IMAX 版本更將於明年上映。隨住更多電影加入IMAX 技術拍攝和全球更多IMAX 影院興建，公司亦將計劃以IMAX 技術拍攝華語電影，但由於技術成本昂貴，仍處於研究階段。至於本港第二間IMAX 影院，亦已落實選址尖沙嘴ISQUARE 國際廣場，影院比megaBox 的IMAX 設有更多座位。
11.銀幕闊70呎、高40呎，站在巨幕下更感畫面之闊大。
12.影院外大堂滿佈燈光和鏡，充滿科幻味道。
13.深藍座位是為睇3D 電影而設，而淺藍座位只會在睇2D 電影時使用。
14.周先生（右）：「呢度設施都幾OK 啦！」陳先生：「入面的座椅很舒服。」
谷德昭向好戲院致敬
導演谷德昭當然會入戲院睇戲：「有些戲是要入戲院看的，The Grand 和IMAX 我也喜歡去，The Grand 中午戲票平好吸引，IMAX 更加是官能感受，每次有大陸朋友來我也帶他們去，我才剛剛看完《鷹眼追擊》。」說到戲院吸引他之處：「第一是設施，二是好氣氛。The Grand 和IMAX 的觀眾都是對看電影有要求的，他們真的會『』那些發出噪音的人，所以那里的觀眾都很自律。我只有入戲院才能專心睇戲，在家中看影碟我會搞這搞那，自己騷擾自己！」他又說：「我要向搞IFC 、The Grand 、UA 金鐘這些好戲院的人致敬，他們服務好爆榖又好食！」他還說：「香港電影業在黃金時期錯過了發展設備優良戲院的時機，你想想以前入戲院睇戲經常被前排的人擋著視線便明白。」
■The Grand 室內設計獨特。
