早前與阮經天拍《命中注定我愛你》的台灣名模白音欠惠（小白），在劇中要同陳喬恩爭仔奸到出汁演得放，最近仲接埋內衣廣告，次次出騷咪咪推到上頸，唔記得佢個名，都一定認得佢個胸。
不過呢位台灣新咪精，攞命湯碗原來全靠托得出色，平時着小背心竟連罅仔都冇條睇，嚴重打假波唔該搵個國際球證跟進吓！
白歆惠出身模界，兩年前開始殺入電視台做真人騷《決戰第一名》主持，最近仲大腳踢走凱渥師姐林志玲做台產內衣「Moden Girl 」代言人，每季都有二百萬港紙落袋，真係一吋肉一吋金呀！
在港啱啱播到第8集的台劇《命中注定我愛你》，劇中同陳喬恩爭仔的白歆惠奸到出晒位，白歆惠仲話做奸角唔使驚，仲收晒風知道米雪演的奸紅奸出位：「做好人當然容易給人受落，但奸亦是一個演技挑戰，聽說香港的《家好月圓》米雪姐姐都獲提名『最佳女演員』呀？還不錯吧！哈哈！」
白歆惠在《命》中飾演奸婆Anna ，為留住男友阮經天，搞到情敵陳喬恩撞車之餘，又不時以詐喊扮可憐，啲眼淚大粒過江若琳架！
專人變大
拍劇有noise ，最近27歲的白歆惠更拍了一輯噴血內衣電視廣告，又在台灣連行兩個內衣騷，巨咪次次做焦點。不過在上週日（21日），白歆惠單拖在台灣新光三越買內衣時，着住件小背心加條短牛仔裙既白歆惠心口兩個肉球忽然控走咗，連烏低身都零睇頭。
難得白歆惠亦大方承認巨咪靠出術：「我本來三圍是32B 、25、35，平時出內衣騷前，都要專人幫我穿胸圍，每次我都要預一小時谷咪，先要在咪咪兩邊底部貼膠紙和加墊，還要找助手將腋下既肉前推，發現不平衡又要重新再來，平時出街不用搞這麼多啦，效果當然沒有那麼震撼吧！」咪神唔易做，各位球迷下次見到白歆惠唔該嗌多兩聲鼓勵吓！
爆咪失蹤
早排在內衣店揀胸圍時，白歆惠烏低身傾電話但都係見小罅，所以話家陣啲科技真係好發達。
身為內衣代言人揀胸罩當然有一手，當日就專揀有鋼線兼厚墊既胸圍，白姐姐話：「想令胸部立體，內衣一定要有足夠承托力，鋼線內衣最好！」
攝手機袋200萬
白歆惠做得名模唔怕露，最近以200萬港幣接拍的內衣電視廣告，尺度大膽去到盡，不過白歆惠就話一啲都唔尷尬：「最初其他男演員都不敢正眼望我，要我主動叫他們注視着我的胸部，才有現在的效果，內衣騷一樣沒問題呀，反而覺得很好看啊！」聽完好心酸，點解班港女唔學吓人？
自豪fing
廣告開頭就講白歆惠着到鬼死咁性感烏低身玩波子機，成班餓狼就狂及！
攝手機
白歆惠再搖身變為辦公室經理，見到個男同事瞌眼瞓，就攞男同事部超薄手機係乳溝之間攝咗一吓，位男同事再聞一聞部手機即刻醒晒，勁過白花油！
谷行溝
之後白歆惠再發現另一位男同事係度發白日夢，小白即刻拉緊胸圍之間既索帶，兩邊咪咪即時夾出一條深溝，睇到個男同事成個彈起，呢下動作仲有個學名叫「拉溝」，果然起得好貼切。
白歆惠次次谷到盡，港仔網友激讚，台灣班電車仔更加愛不釋手，儲晒所有白歆惠靚相兼雜誌的19歲既台灣仔小結就話：「小白身材很好，拍戲用心，樣子很甜美喔！」
咪神醒你變大啲
白音欠惠谷咪有計，殺盡雄性動物，難得白姐姐唔收埋教各位姊妹大變戲法，雖然冇得好似白姐姐咁有專人幫手，不過自己黎，學到佢一半都無敵啦！
做咗兩年內衣代言人，白歆惠谷咪谷到出晒位，上週出席活動，仲捉咗現場觀眾示範「拉溝」，十足專家咁款。
step 1：戴上鋼線胸圍後將腋下既肉推上前胸位置；
step 2：之後調校肩帶，令扣帶跟罩杯成水平線；
step 3：最後用手指拉低胸圍正中位，令胸圍包回推胸後多咗出黎既肉，谷咪完成。
