周慧敏現身，大批fans 人逼人舉機影相，可惜有保安在場阻擋，未能近距離睇清楚玉女掌門人風采。
近排金融海嘯，唔少名人明星身家大縮水，就連出名「慳妹」嘅周慧敏，原來都有買股票。
上星期四（十八日），周慧敏出席中環置地舉行嘅運動視界藝術展開幕禮，提到近日股市大瀉，玉女話有買股票，不過只係佔佢身家極之少百分比，至於買咗邊隻「
巴」，佢就話乜都唔知，全部交咗俾投資顧問處理。
八珍認為，投資金額多與少，都唔可以做「羊太」，事關萬一買咗雷曼迷你債券，結果只會血本無歸。
周慧敏話佢最大嘅投資係手上兩個物業，由於一個係自住，另一個俾媽咪住，就算有金融海嘯，都唔需要太過擔心。
