鄧先生見只穿了數次的皮鞋「甩底」報銷，十分肉痛。（于港民攝）
皮具手袋及皮鞋都是貴價產品，售價每每動輒數千元，但要令皮具耐用的學問，則未必人人知道。
有人以為把皮鞋放在鞋盒，加幾粒防潮珠便萬無一失，實質大錯特錯，反而會加速皮鞋老化，提早報銷。
含人造皮及膠質表面的皮具，切忌與防潮珠一同存放。（《忽然1周》圖片）
楊士華指皮鞋擱在一旁，膠質鞋底久而久之便會老化。（于港民攝）
鄧先生早前在Clarks 專門店，買了一對七百多元的皮鞋，「在同價錢的皮鞋品牌來說，Clarks 比較耐用同舒服，所以咪買多一對，方便日常返工替換囉。」
鄧先生只穿這對新鞋三數次後，便把皮鞋放在原裝紙盒內，以為就此可以好好保存，沒有加以理會。直至最近在家執拾時，Clarks 皮鞋方重見天日，但皮鞋的膠底卻已甩開，根本不能穿著，「對鞋唔係平貨，我又唔係亂放，但點解會咁易爛㗎！」
鄧先生不甘心，拿了爛鞋去Clarks 問個究竟：「呢對鞋我只係著咗三、四次，就咁報銷真係好唔抵，但Clarks 店員只係答我對鞋爛成咁，根本整唔番㗎喇！」
多穿更耐用
本刊把鄧先生的皮鞋，交予有廿多年維修皮鞋經驗的楊士華檢查，他指皮鞋擱在一旁，膠質鞋底便會開始老化變硬，嚴重者只要輕輕一拗便會裂開，「對鞋放埋一邊唔著，膠底就會氧化，救都救唔番。若是皮製或木製的鞋底，就不會有這個問題，最多是行蝕咗，拎去修鞋店換個新鞋底就可以著番。」
不少人以為少喺貴價皮具，便可以延長其壽命，但皮具維修店店主Denny 則指此說法大錯特錯：「皮具其實係消耗品，買得幾貴幾靚都好，用得多自然會爛，就算放喺度太耐，香港天氣咁潮濕，皮具放埋一邊長時間唔用嘅話，都好容易變質發霉，咁不如貴買平用仲划算啦！」
防潮用品難共存
想好好保存皮具皮鞋，有人會用防潮珠及密實膠箱封實就算，Denny 指出防潮珠釋放出來的化學物質，反會令皮料溶解：「例如LV 手袋有人造皮（PVC ）及膠造的表皮，如果長期焗住，嘅化學物質會令皮料溶化同脫落。」
慎選鞋款修補有計
貴價皮鞋動輒數千元，只因「蝕底」而報銷就認真不划算。楊士華教路，選購皮鞋時，留意沿邊有否留有空位，方便日後鞋匠可以更換新鞋底：「如果塊皮裁得太貼，再用黏貼方式連接鞋底的話，日後想補都補唔到㗎啦！」以更換鞋底為例，費用約為數百元，總比另買新皮鞋喺數。
日常工夫不可少
要令皮具更加耐用，回家後應安置在通爽地方，防止濕氣積聚；尤其鞋內容易滋生細菌，平常要不時用鞋布或用指定的皮鞋清潔劑擦走表面的灰塵。
另外，切忌用水清潔皮鞋，萬一不慎弄濕應立即用布抹乾。不常穿的皮鞋應放入鞋撐，以防皮鞋變形。
