Janice Man 喺嚫模界贏成條街，原來DJ 都有嚫界至愛，最近商台叱
903嘅DJ 妹妹Wing 、Ekee （阿E ）明sell 專幫嚫妹解決少女感情心事，搞到成班中學生晚晚唔聽唔舒服。
妹妹Wing 化身做愛情神醫冧掂妹仔，另一位嚫界至愛喪Do 男Leo 就變身港版Jackass ，無聊自殘兼玩盡全港，仲識出動四圍搜刮索女做話題，於是班嚫仔又岩晒嘴形，兩女一男潮DJ ，今時今日唔知佢哋係乜水包你同嚫界冇話題！
扮才女掂
阿Wing 同阿E 今年7月書展推出《妹妹妹妹》散文集（右圖），但人數太多，好多fans 都嗱唔到簽名，要到電台搵佢哋補簽！
《妹妹的情書》另外一位主持阿E （左），加拿大大學畢業後加入商台，雖然已經28歲，但聲音同外表都十足十零歲嘅妹妹仔，呃到人㗎。
由DJ 阿Wing 同Ekee （阿E ）主持嘅903節目《妹妹的情書》打正旗號解答中學妹妹嘅愛情煩惱，阿Wing 話：「聽眾大部分都係中學生，我哋講嘢語氣同內容都要配合番，要跟佢哋channel ，直接簡單啲，試過有個中學男仔打嚟話喺教會鍾意咗個姐姐，因為個姐姐幫佢補習令佢可以升中五，對佢有好感就以為鍾意咋！嚫仔諗嘢就係咁直接，太複雜佢哋會唔明。」
除咗做愛情顧問，阿Wing 同阿E 仲有個廣播劇《最好的時光》，又係講中學生愛情故事，例牌係暗戀同學、一腳踏兩船等單純內容，連lunch 研究食乜都講一大輪，不過就係因為無聊，加埋有張敬軒同周柏豪一齊演出，親切感滿分，輕易成為嚫界追聽新節目。
妹妹Wing
中文名：張詠妍 30歲
感情狀況：已婚，老公細蘇（蘇耀宗）現為商台DJ 。
主持節目：《妹妹的情書》
播出時間：商台903一至五晚上9:00-10:00
阿E
中文名：黃承恩 28歲
感情狀況：冇拖拍，例牌解釋話想專心工作。
阿Wing （右）同阿E （左）嘅《最好的時光》廣播劇著埋校服，搵嚟劇中男主角張敬軒影海報，擺明食妹仔條水！
超低能急症室
講明要低智，嚫妹問得無聊，妹Wing 答嘢亦一樣簡單，不求甚解先fit 班嚫仔。以下就係妹Wing 憶述同聽眾嘅妙問妙答。
W ：Wing E ：阿E
問：我發現鍾意咗第二個同學，唔知點揀好？
E ：你以為次次都係你揀人嘅咩，唔俾人哋揀番你轉頭㗎！
問：我想同男友分手，但係唔想hurt 佢，希望之後可以做番好朋友，應該點做呀？
W ：搵啲得體嘅原因，例如話要專注學業，實冇人反對啦，連阿媽都話贊成。
問：我鍾意咗我個好朋友嘅男友，點算好？
E ：鍾意人冇罪嘅，不過出手搶就另計，橫掂你都未讀完書，都係無謂諗咁多喇。
問：阿媽知道咗我拍拖呀，而家好嬲，點算好呀？
W ：媽咪都係為你好，不如聽佢話同埋聽我話，讀完書先算，愛對方唔一定要拍拖嘅。
《忽然1周》圖片
絕種人妻
阿Wing06年參與森美阮小儀歌劇團時，商台DJ 細蘇（左）當場向阿Wing 求婚，阿Wing 話：「細蘇啲衫褲鞋襪都係我買，打機打通頂我幫佢set 好機，開定汽水畀佢，總之佢開心就得！」
陳同學 中三 聖公會聖本德中學
最鍾意啲聽眾打電話上去，話鍾意身邊男同學，好似聽緊自己同學咁！
Cherry 中四 樂善堂王仲銘中學
廣播劇最好聽，一幕講阿Wing 同時約咗兩個男朋友，要跑來跑去見佢哋好搞笑！
中學妹有同感
班中學生聽眾自組fans club 支持阿Wing 同阿E ，仲會定期同妹Wing 搞聚會，其中一位fans club 會員Laws 話；「我而家同女友有咩問題都會搵佢哋幫手，佢哋好好人，睇法同我哋中學生好岩channel ！」
玩吓啦，香港人！真實對白
喪Do 男搵女神
做愛情專家解答情困有市，原來無聊玩嘢節目一樣多人撐，由詹志民（Leo ）主持嘅《Do 人show 》就每日以喪Do 男身份玩人玩自己，曾經試過同黃毓民鬥大聲，打電話去南華會唱南華足球隊會歌，勁無聊不過嚫仔話過癮，詹志民話：「我以玩嘢做節目內容，係因為覺得香港人太認真，可以輕鬆吓，多啲幽默感！」
千嬅獻吻
喪Do 男Leo 仲會同明星一齊玩，Leo 同千嬅為環保唔用飯盒改用鐵飯壺，仲要求千嬅獎勵佢錫佢一啖，千嬅識做用手遮住錫，Leo 個樣就懶被迫咁，勝在搞笑啫！
自殘埋沙
Leo 話要學電影《神探》中劉青雲被沙活埋一幕，雖然佢預早用飲管幫助呼吸，不過其實幾危險，各位真係咪亂學！
使人刮女
最近詹志民仲推出Do\'s Angel 環節，由DJ 陳強出去唔同地方搵靚女，之後就放佢哋啲靚相上網頁畀人投票，有靚女睇班仔梗係唔放過，借女造勢成功，詹志民就話：「其實我係透過女仔介紹多啲香港特色地方，個網頁除咗女仔靚樣，仲有間鋪嘅相，如果個女仔好靚，但係間鋪冇特別，我哋都唔會訪問，所以唔係亂嚟嘅！」哦！不過班嚫仔應該冇你咁有深度喎！
陳強追女
Leo 叫拍檔陳強四圍搵索女，搵到就同佢合照，再放佢嘅照片上網任人品評！不過陳強次次都會嗱人MSN ，抄晒牌，鬼馬喇你！
喪Do 男
中文名：詹志民 31歲
感情狀況：06年同圈外女友結婚
主持節目：《Do 人show 》
播出時間：商台903一至五下午3:00-4:00
